Euria ari da du

Euria ari du Liman

              sekula ez bezala

Euria Donejakuen

Euria ari du euriak

landareei xuxurlatuz

belarri begetaletan

                            hostoeskuetan

Euria paduran trintxeretan

begibako asturuetan

                  iretargian lez

                  ezer ez delakoan

Berba barik ari du

orogailuko zulo gorretan

                            ispiluetan

azken hegaztien egonezinean

Euria ari du

                  izoztaldeetan ez lez

                  ferde eta garden

                                            alboz

Ez dakar ildorik

Ez dakar aitzurrik

aurpegi du lur isila eta

aho

satorren gordelekuak

            intsektuenak

amaraunetako kaiolak

Euria ari du ozeanoetan

txindor txinten bokaletan

                      kontsonanteetan

Euria ari du esporetan

        gimonspermoetako laberintoetan

Euria

          ari da du

euriaren harietan

aterri barik

bere burua bere buruari

                    estekatuta

Donejakuen Liman

hazi biluzien basoetan barrena

Euria argiaren begian

Euria ari du

sekula ez bezala

w1988