Zeurera itzuliko naiz

antzinako itsaso zaharra

kale urdinen biltokian

duzun kaioen katedralera.

Zeurera itzuliko naiz

egarri apartsuetan eskuak

erritmo hautsiak ahoan

begiak uhin higiduretan asetzera.

Zeurera itzuliko naiz

zelan blues zaharkituen notak

kitarra nekatuen soketan

halaxe neu talako hostoen dardaretara.

Zeurera itzuliko naiz

deiadar eginda mintzoak

azken eremu gardenetan

aroen harietan betirako ezereztatzera.

w1987