Poesia kaiera
Poesia kaiera
2001, poesia
64 orrialde
84-95511-26-6
Edorta Jimenez
1953, Mundaka
 
2010, poesia
2006, kronika
2003, nobela
2003, saiakera
1993, nobela
1991, nobela
1990, ipuinak
1987, poesia
1986, poesia
1986, poesia
1985, poesia
 

Udaberriko bezperak
(Zatia)

              I

Udaberriko bezperetan

Arratsak

Erdi lo

Geratzen dira

Horiska meheetan etzanda

Su estrainoenak pizten dira orduan

Nerabeen bihotzetan

Eta inguratsean

Erreboltara deitzen gaituen zerbait

                                          arnasten da.

 

              II

Heroia zara

Zeure buruaren aurka

                      Oldartu

Eta

Heroinaz

Zeure larrua

Hautsi duzu

Paretaren kontra jarri zaituztenei

Maiteagoa duzula

                  Pareta

Euren fusil ahoak baino

                    Frogatzearren.

              III

Gure lehen kantuak

Azkenak izanen zuentzat

Gure lehen suek

Hotzikarak eraginen zuei

Heriok piztuko baititu

Urrezko katabutetan

Ehortziren zaituztegu

Usoez inguraturik eta

Errespetatu eginen ditugu

Zuen konputagailuen lutoak

Ez baititugu

Beste sekulan ere

                          Abiaraziko.

 

              IV

Prest ditut nire armak

    eskuetara datorkidan

                          edozer

            eta zuenganako

      gorroto infinitoa

 

w1987