Ez bakarrik

Ez bakarrik

egunaren atzekaldeko patioan

«deituidazu» esanez

markatu zenituen orbain zoragarriak.

Hori, eta nire hostroek zurea ez den euririk

ez dutela nahi

ekaitz handiko arratsa izanagatik.

Ez bakarrik zure euria

sorpresa exaktu bat izana

nere zain behartuei.

Hori, eta nire egarriaren

zu zaitudala ase-neurri.

Ez bakarrik ura

baizik eta hezetasunaren itxaropena.

Kolore guztien estalki bakarrerako joera.

Horregatik

eta kimu txikiak heltzear daudelako

irrikiaren izenarekin,

dakit

neguak ez datozela etsai

eta arratsalde ospelek ere lilura ekarriko dutela bihotzean

hostroa irekitzen zaiolako euriaren susmoari, zain

eta euria landareon hurren

osatzen delako, gozo.

w1992