Poesia kaiera
Poesia kaiera
2001, poesia
64 orrialde
84-95511-22-3
Jose Angel Irigaray
1942, Iruņea
 
 

Eta Baztanen

udazkeneko urregorriz jauntzirik

Amaiurko gazteluaren egoitza datza

zazpi jauzietako azken urrats

gure nahikari galduaren harrizko hatza,

 

inguru minguru

fagoak, saiak eta artaldeak

gure kondairan denak dira hondarrak,

 

eta ilunabarrez harri artean

ametsak ximel

oroitzapenak ihes

laminen kantak mutil dantzan,

 

ai, Baztan!

Bidasoaren ohako

urrin gozo, doinu leun

zu zara

gure oihartzun minduaren laztan.

 

w1977-79