Hemen heldu gara

kondairan barna bidez bide

itsasoaren gainetik hegaka

urratsez urrats

ilunabarretik ilunabarrera

gorri, orlegi, eta ñabar

hemen heldu gara

trumilka eta bakarka

etxerik ezaren semeok

asekaiztasunaren alabak,

mendez mendeko uztaren emaitzak

sabaian ditugu gorderik

pipiak janak

itaxurez josiak,

ai, kondairaren karriketan galdutako arnasa!

Bitartean,

euriak laztantzen ditu

gure bizkar penatuak,

Brahms entzuten dugu

iturri agortuaren ondoko mugarrian jarriak,

trikitrixa dastatzen

gure herriko arkupeetan,

amodioa urrupatzen

itsas-ertz lanbrotsuetan

zehar-bide galduetan...

Hemen heldu gara

oinez

ilunabarretik egunsentira bidaiatzen

bidez bide kontu kontari.

w1977