Poesia kaiera
Poesia kaiera
2000, poesia
64 orrialde
84-95511-19-3
Rikardo Arregi
1958, Gasteiz
 
 

Musikaren lurraldeak II

 

Kantaidazue Schuberten lied bat,

lied triste bat,

Malko Euria edo Ezki Lorea,

baso ilunez beterik,

erreka gardenez hanturik,

amodio ezinez gainezka.

 

Jo ezazue leun pianoa

eta kantaidazue lied tristeena.

Egiozue lekua su bazterrean

Franz gaixoari.

 

Eta Herz hitza kantatzea suertatzen bada,

emaiozue behar duen doinu eta keinua

mila zortziehun eta hogeita zazpigarren urteko

erromantikoak baikinan

eta gutarik batek

sendaezinezko gaitz lotsagarria bailuen.

Inork ez baitu inoiz gailenduko

gure ausartzia eta edertasuna.

 

w1998