Poesia kaiera
Poesia kaiera
2000, poesia
64 orrialde
84-95511-19-3
Rikardo Arregi
1958, Gasteiz
 
 

Hemen hemeretzi grado eta zoritxarrez

zerua erabat lainotuta dugu baina

jende asko etorri da gure herriraino

estropadak ikustera. Oso nekaturik nago

esan zidan baina nik erantzun nion

buelta bat ematea gustatuko litzaidakeela

bueno nik ezin dut bihar lanera

joan

      behar

              dut

                    eta

orduan etxeratu nintzen.

Agian hosto batek lurrean lo egiten du

udazkena oihukatuz.

                            Bihotzez beteta

dago zelaia. Batzuk ilun, gorri besteak.

Ezberdintasunaren seinaleak handiagotu direlakotz

ohera sartzen da euriaren jainkoa,

grisetik etorritako oihartzunek

mailaz maila lo egiten dute hautsontzietan.

 

Ametsak kondatzeko ez naiz gai sentitzen

eta psikoanalista haserretu zen nirekin

akuario bat zeukan bere bulegoan

hori ez zitzaidan batere gustatu

arrainek lasaitasuna ematen omen dute

eta gainera gorri eta merke

horietakoak ziren. Irratiak esan duenez

gaur ez dute ezer aurreratu elkarrizketetan.

 

w1993