Poesia kaiera
Poesia kaiera
2000, poesia
64 orrialde
84-95511-19-3
Rikardo Arregi
1958, Gasteiz
 
 

Budapestera joan ginen apirilean,

hilabeterik krudelena eta gorazarrea merezi duen

bakarra. Kontzertu ederrak

entzun genituen han, oi Esterhaza.

 

Lili berrien artean gaitu aingeru bezalako

edozein itzalek persekutatzen.

                                          Petalo zurien atomoek

eguzkia laztantzen dute eta zentzurik ez dauka engoitik

izkutatzeak. Hor da berriro laguntzen gaituen aingeru

edo deabru hori.

 

Bi ala hiru ginen parkean?

 

Itzalarekin bat eginik argitasunean betiereko galdu

naiz. Gibelerat

soilik hosto xuxurlatuak.

 

w1993