Poesia kaiera
Poesia kaiera
2000, poesia
64 orrialde
84-95511-09-6
Luis Berrizbeitia
1963, Abadiņo
 
 

Amodioaren urrentzia

        Ene maitia

        Ez zite kexa

Penak beti uzten du bere herexa

Minik badereizut, nitaz ez pentsa

        Nitaz ez pentsa.

 

        Oi traidoria

        Mintzo pozoina

Ene bihotzaren gaixto ohoina

Galgarriago eziez karroina

        Eziez karroina.

 

        Xarmegarria

        Lili kolore

Mintzo horrez deraitazu dolore

Izan zite sendo, uken adore

        Uken adore.

 

        Zelian gora

        Gaiaz ilargi

Argia hark jesan du ekiari

Ber gisan nik boza zure hitzari

        Zure hitzari.

 

        Nik zuri hitzik

        Emanik gabe

Ez deizut segur egin bidegabe

Gaizki konpreniaz dut hatsekabe

        Dut hatsekabe.

 

        Hago ixilik

        Ene hilzale

Ene edertarzunaren higazale

Satan date ene mendekazale

        Hire galzale.

 

w1987