Poesia kaiera
Poesia kaiera
2000, poesia
64 orrialde
84-95511-09-6
Luis Berrizbeitia
1963, Abadiņo
 
 

Egun huntan hasi naiz

Egun huntan hasi naiz ikasten alemanez

Bozkarioz beterik, esperantzaz, joranez

Aspaldi desiratu fruitu gozo bat nola

Ume goseak noizpait lorietan ahora.

 

Ez dit segur axola bidearen luzeak

Baizik eta abiatuz gero ibiliak berak

Dakuskedan bazterrak, dantzuzkedan mintzoak

Giza sutegiaren sugar germanikoak.

 

Sutu gogo dut hetaz ene izpiritua

Sorterritu dakion puntaz-punta mundua

Hizkuntza erdara bat beregantzen duenak

Beretzen baititu ere hartaz mintzo direnak,

 

Haien bihotz-ametsak, haien oroitza-asmoak

Lilurak, deslilurak, maitasun-gorrotoak

Izanak, direnak ta etorkizunekoak

Zinez holako indarra bakarrik du Jainkoak.

 

Gaur naizelarik beraz bidean abiatu

Gonbitez nahi nuke gora-gora kridatu,

Pastoraleko hitzak direla zure gida:

Bi mintzaira jakinez bi aldiz gizon zira!

 

w1992