bazter iheskorrer beha

zamariak jada hatsanturik

Pariseko bidea luze da.

Begi argiak, soa tristea

gogoa ilun, esteari

txipiak beti bidegabea

prestutasunezko obren sari.

Hire gogoeten eztigarri

daramak zonbait liburu

hoien gabea ezin egari

hen solasaz bake ta ekuru.

Pausaldietako horra ere

hain maite dukan hegatsa

euskal neurtitz idaztez berere

dik hire barneak biltzen hatsa.

Habil bada bihotz galdu gabe

hire populuaren aldez

joana ez dukek hatsekabe

zuzenaren txerka hoanez.

Karrosa beti ta beti doa

bertan milaka zuberotar

guziek hitan usten osoa

kapare on, Arnault Oihenart.