Poesia kaiera
Poesia kaiera
2000, poesia
64 orrialde
84-95511-07-X
Itxaro Borda
1959, Baiona
 
2021, nobela
2012, nobela
2009, nobela
2007, nobela
2005, nobela
2001, nobela
1998, poesia
1996, nobela
1996, nobela
1994, nobela
1991, poesia
1986, poesia
1984, nobela
 

Pacem in Lapurdum

I

 

gaztelu zahar blues.

ahoak oihal trikolorez tapaturik.

hiri aberatseko karriketan barna.

larunbat arratsaldez.

      beti eskatzen.

      beti kolpeak biltzen.

urdin beltzez jantzirik dabiltzan

orden zaintzale armatuak,

      gaz negar ekarleak

      erromesak gu gara.

xuri garrailez apaindu burgesen

komentario zorrotz zuzenak,

      hau ez da Libania

      hots demokrataka.

gorriegi ixurtzen da matrakaz

jo kidearen kopetatik odola.

      giza eskubideak.

      Soweton menturaz.

pasatzen dira manifestalariak.

gaztelu zahar plazako ehun eroak.

banderola higatuen gibelean.

larunbat arratsaldez.

      beti eskatzen:

      kanporatzerik ez!

      beti eskatzen:

      presoak etxera!

      beti kolpeak biltzen.

zubi gainean korrika.

lurrean eroriak batzuk

      ba ahal dago medikurik?

detenituak barreiatuak hatsantuak.

poliziek gero

clausewitzen gerla taktikak segituz

ghettoa inguratzen dute.

frantses bandera haizean.

 

pacem in lapurdum.

 

w1988