Bigarren maskara,

Harearen erresumarik zabalena;

Eta hor daude murrailak,

Hor egiten du ur antzuak nigar bi bider egunero,

Panpinkiro kexatuz,

Kristalezko lehertuz malko urduritan lehertuz,

Alferrik.

Bien bitartean,

diamanteen inbiritan dautzan koraletaraino

erakarriak suertatzen dira

erretenetara erretiratu ziren hitzak,

irri izandako harri txintxar gorri ilunak, marrubiak;

  eta herrestan doaz, halaber,

  ziutate ideialaren planoak,

  zintak, teori iraultzaileak,

  izerdiak, horrenbeste min moeta.

Eta gu zain gaude urmaeletan, ama,

Ibai horiek suntsiduraren errepideak bailiran.Eta gu ere katedral zapuztu horietarantz;

Gure ahaleginak s o s batean eros ditzake

Edozein karamelu saltzailek.