99 pauso ganorabakoen aldamenean
99 pauso ganorabakoen aldamenean
Peru Calabaza Saban
Azaleko irudia: Juncal Altzugarai
Diseinua: Metrokoadroka
2021, antzerkia
90 orrialde
978-84-17051-76-1
Peru Calabaza Saban
1973, Iruņea
 
 

 

Play

 

Eszenatoki alboan bi mahai: Batean edariak eta pikatzeko gauzak egongo dira. Nahi duenak har dezala. Bestean soinu eta argi-mahaiak daude. Nahi duenak jar dezala esanez bezala. Eszenetan erabil litezkeen bestelako objektuak daude inguruan, bista-bistan. Musika ekipoa, diskoak, giro-soinu grabatuak. Edonolako argiztapen elementuak ere, txikiak zein handiak. Jantziak ere bertan daude.

 

Kamerinorik ez dago.

 

Publikoa aldamenean dago. Dena publikoari esaten zaio hasiera batean, belarrira bezala, edo begietara, edo eskuetara... Denok gara parte, espazio berean baikaude elkarrekin.

 

Aktoreak publiko artean egon daitezke, eta hortik mahaietara hurbildu, mokaduren bat hartzera, edo musikaren bat edo argiren bat instalatzera.

 

Aktore bakoitzak toalla bat hartu eta luze zabaldu eta lisatzen du zoru gainean.

 

Hondartzan neguan bezala kokatzen dira toallak lurrean zabalduta eta gainean etzanda, begiak itxita, bakardade intimo goxoan, hamar minutuko siestatxoa egiten duenaren patxadaz. Horrela daudela, noizean behin kartelak ateratzen dituzte toalla azpitik eta erakutsi egiten dituzte. “Bazile” tentsio bat dago.

 

2 MINUTU BARRU HASIKO GARA

MINUTU BARRU HASIKO GARA

EZ, 3 MINUTU BARRU HASIKO GARA

ONGI ETORRIA ZARA

5 MINUTU BARRU HASIKO GARA

10 MINUTU BARRU HASIKO GARA

30 SEGUNDO BARRU HASIKO GARA

HASTEN ARI GARA

ONGI ETORRIAK IZAN ZAITEZTELA OPA DIZUEGU

BIHOTZ-BIHOTZEZ

BIRIKA-BIRIKAZ

URDAIL-URDAILEZ

GILTZURRUN-GILTZURRUNEZ

ETA BATEZ ERE: BURMUIN-BURMUINEZ

NAHI DUENAK PIXA EGITEKO DENBORA DAUKA ORAINDIK

YA EZ!

BAGOAZ!