Panpina
Panpina
Erika Olaizola
Azaleko irudia: Leire Arenas
Diseinua: Metrokoadroka
2020, antzerkia
112 orrialde
978-84-17051-52-5
Erika Olaizola
1989, Azpeitia
 
Panpina
Erika Olaizola
Azaleko irudia: Leire Arenas
Diseinua: Metrokoadroka
2020, antzerkia
112 orrialde
978-84-17051-52-5
aurkibidea

Aurkibidea

Sar hitza, EHAZE

Hasiera, Erika Olaizola

PANPINA, Erika Olaizola, Leire Arenas, Oier Guillan

Sormen prozesuaren erraietatik: antzezlaneko partaideak

Bila, Leire Arenas

Anipnap, Oier Guillan

Prometeo postmodernoa, Javier Barandiaran

Eten >>> gabe, Idoia Beratarbide

Panpinen bilduma: kolaborazioak

Panpin, -a, Ainara Ortega Barrenetxea

Azala plastiko baten kontra zanpatut, Eneko Sagardoy

Panpinen ospitalea, Itziar Ituņo

Panpina, Izaro Andres

Nirekin jolasteko, Koldo Almandoz

Bengantza, Miren Amuriza

Edu eta Haizeren elkarrizketa Panpina antzezlanaz, Edurne Mendizabal Tolosa eta Haizea Egiguren Iriarte

Hiru bonus-track, Erika Olaizola

Bulba buruan eta ibili munduan

Izotza

Biografia

Erosi: 12,35
Ebook: 3,12

Aurkibidea

Sar hitza, EHAZE

Hasiera, Erika Olaizola

PANPINA, Erika Olaizola, Leire Arenas, Oier Guillan

Sormen prozesuaren erraietatik: antzezlaneko partaideak

Bila, Leire Arenas

Anipnap, Oier Guillan

Prometeo postmodernoa, Javier Barandiaran

Eten >>> gabe, Idoia Beratarbide

Panpinen bilduma: kolaborazioak

Panpin, -a, Ainara Ortega Barrenetxea

Azala plastiko baten kontra zanpatut, Eneko Sagardoy

Panpinen ospitalea, Itziar Ituņo

Panpina, Izaro Andres

Nirekin jolasteko, Koldo Almandoz

Bengantza, Miren Amuriza

Edu eta Haizeren elkarrizketa Panpina antzezlanaz, Edurne Mendizabal Tolosa eta Haizea Egiguren Iriarte

Hiru bonus-track, Erika Olaizola

Bulba buruan eta ibili munduan

Izotza

Biografia

 

 

Bi emakume

 

(Bi emakume, edozein lekutan daude. emakume a eta emakume b.)

 

a: Ikusi duzu?

b: Ez. Eta zuk?

a: Ezta ere.

b: Noiz izan zen ikusi zenuen azkeneko aldia?

a: Hain aspaldi non ez naizen gogoratzen. Eta zuk?

b: Gogoratzen naiz ikusi nuenean ez nuela jakin erreakzionatzen.

a: Eta berriro agertzen bada uste duzu prest zaudela bera ikusteko?

b: Ez dut uste agertuko denik.

a: Ez, aurkitu egin beharko dugu.

b: Bai, baina non?

a: Ez dakit. Zuk badakizu?

b: Ez. Batzuetan pentsatzen dut betirako galdu dudala.

a: Izan itxaropena. Agertuko da.

b: Ez da agertuko.

a: Ez, ez da agertuko.

b: Ez, aurkitu egin beharko dugu.

a: Bai, baina non?

b: Ez dakit. Zuk badakizu?

a: Ez. Batzuetan pentsatzen dut betirako galdu dudala.

b: Izan itxaropena. Agertuko da.

a: Eta ez badugu inoiz aurkitzen?

b: Ba bilatu egingo dugu.

a: Bilatzea ez da aurkitzea.

b: Ez dugu aurkituko bilatzen ez badugu.

a: Uste dut ez dudala bilatu nahi.

b: Baina aurkitu nahi duzu?

a: Ez dut uste. Eta zuk?

b: Nik bilatu gabe aurkitu nahi dut.

a: Eta nola egiten da hori?

b: Ez dakit. Bestela honezkero bilatuko nuen.

a: Aurkituko nuen esan nahiko duzu.

b: Bai, aurkituko nuen esan nahi nuen.

a: Eta zer egingo duzu aurkitzen baduzu?

b: Ez dakit. Eta zuk?

a: Nik ez dakit aurkitu nahi dudan.

b: Eta zer egingo dugu bitartean?

a: Ez dakit… itxarotea besterik ez daukagu.

b: Bai, itxaron egingo dugu.

 

(Isiltasun luze baten ostean.)

 

a: Nolakoa ote da?

b: Zer?

a: Hori.

b: Hori?

a: Bai, hori.

 

(b-k pentsatzeko denbora hartuko du.)

 

b: Ba ez dakit. Zure ustez?

a: Zaila zait imajinatzea.

b: Zaila da, bai, imajinatzea inoiz sentitu ez dugun hori nolakoa ote den.

a: Oso ederra izan behar du.

b: Kilikaria.

a: Askatzailea.

b: Eztanda moduko bat.

a: Plazer hutsa.

b: Zaratatsua.

a: Edo isila.

b: Denetarikoak ikusi ditut.

a: Baina ikusi dituzu ala?

b: Bai.

a(Ezin sinetsiz): Baina emakumeak ikusi dituzu horretan?

b: Emakumeak ez.

a: Ezta ere.

b: Baina gizonezkoak bai.

a: Bai, gizonezkoak bai.

b: Zuk uste duzu berdina izango dela?

a: Gizonezkoena eta emakumezkoena?

b: Bai.

a: Ez dakit. Agian.

b: Agian, bai.

a: Galdetu diozu gizonezkoren bati?

b: Nolakoa den?

a: Zer sentitzen den.

b: Ez. Eta zuk?

a: Ezta ere.

 

(c deituko dugun gizonezko bat sartuko da energia handiz.)

 

c: Kaixo, kaixo!

 

(Emakumeek harridura handiz begiratuko dute elkar.)

 

a: Kaixo.

b: Kaixo.

c: Deitu egin didazue?

a: Ez.

c: Baietz esango nuke nik.

 

(Isiltasun deseroso bat.)

 

c: Lasai. Hemen nago. Ni naiz bilatzen ari zareten hori. Tatxan!! Ni naiz zuen umorea.

a: Zu?

b: Ez zintudan horrela gogoratzen.

a: Ez zara.

c: Nola ezetz?

b: Ez.

c: Nola ezetz?

a: Ezetz ba.

c: Nirekin esperimentatuko duzue inoiz esperimentatu ez duzuen hori.

a: Barkatu, baina ez dakigu nor zaren.

c: Nola ez nauzuela ezagutzen?

a: Zaila.

b: Ez zaitugu inoiz ikusi eta.

c: Ba, alde guztietan nago.

a: Jainkoa zara?

c: Antzeko zerbait, baina ez.

b: Barkatu baina ez dakigu nor zaren.

c: Umorea naiz. Umore pertsonifikatua.

 

(Bi emakumeak barrez lehertuko dira.)

 

a: Sentitu duzu?

b: Bai. La ostia izan da.

a: Kilikaria.

b: Askatzailea.

a: Eztanda moduko bat.

b: Plazer hutsa.

a: Egin dugu.

b: Bai, egin dugu.

a: Ze ona, joder.

b: Entzun diozu?

a: Gure umorea dela esan du, joder, ze ona.

c: Ņabardura txiki bat. Ez naiz zuena bakarrik. Guztiona naiz. Alde guztietan nago.

a: Eta orain arte non egon zara?

c: Ez banauzue ikusi, ikusi nahi ez nauzuelako izango da.

b: Beharbada, ez gaituzulako kontuan hartu izango da.

c: Nola ezetz? Zuei buruzko umorea ere egiten dut.

a: Guri buruzkoa, bai.

b: Baina ez guretzat.

 

(c-k karpeta bat aterako du.)

 

c: Kamaleonikoa naiz ni. Umore beltza, umore berdea, umore zuria… Denetarik daukat. Ea, zer nahi duzue?

b: Zurekin konektatuko gaituen edozein.

c: Ados.

 

(c-k paper artean aurkitutako txiste batzuk kontatuko ditu. Beste biak mutu. c-k txisteak kontatzen jarraituko du. Ez duela ezer eragingo ikustean etsi egingo du.)

 

c: Ez dut ulertzen. Denetarik kontatu dizuet. Top mailan daudenak ere erabili ditut.

a: Ba, ezertxo ere ez.

c: Beharbada… Lehendabizi, barre egiten ikasi behar duzue.

b: Beraz, arazoa gurea da?

c: Ez… bueno… edo bai… ez dakit. Baina arraroa egiten zait kontatu dizkizuedan super txisteekin barrerik ez egitea.

a: Ez daukate graziarik.

b: Batere ez.

c: Ea, egin barre.

a: Ez dakit nola egiten den.

c: Lehen egin duzue.

b: Zurekin konektatu dugulako.

a: Baina hori ezustean gertatu da.

c: Zer egin behar dut zuei barre eginarazteko?

a: Horrela bat-batean ez dakit zer esan.

c: Pentsatu, pentsatu… Hartu denbora. Edozertarako prest nago zuek konkistatzeko.

b: Ba, agian…

c: Zer? Esan eta egingo dut.

b: Egin errenuntzia bat.

c: Zeri?

a: Gure umorea zuk bakarrik errepresentatzen duzula uste izateari. Gurea deskubritu nahi dugu.

b: Egin lekua.

a: Utzi espazioa.

c: Nori?

a: Emakumeoi.