FILME ZAHARRAK

Hobeak ziren, Atzerritar Legioa

gizonek puta bana eta arabiarrak eraso bizian

desfiletako zalditxo xuriz, eta Sarjentua

gotorlekuari eusten

hildakoak babesten errefortzuak zetozen bitartean.

Eta beste horiek ere bai, mutilak hegan zebiltzala

Spad hegazkinetan

alanbrez beteak eta ilehori platino bat

ororen sinbolo zirudiena.

Agian izango zen mutikoa baino

ez nintzelako

edo agian dagoeneko ezer ez da berdin.

Aingeru guztiak,

patriota zuhurrak, aire-bonbardaketen aurkako

zaindariak, zigarroak

sexu truk, eta etsaiek berek ere jolasean

ari zirela ziruditen.

Edo beste aldi hartan, erizain japoniarra

topatu zutenean bonba-zuloan

orkatiletan zauritua eta botika eske

eta mutiletarik batek esan zuen, «Aizue,

uste al duzue txortan

egin ahal diogula hil ondoren?»