AZPIAN

Ezin dut ezer jaso lurretik...

galtzerdiak  galtzontziloak  alkandorak

egunkariak  eskutitzak

koilarak  botilak  garagardo-txapak

ezin ohea egin  komuneko papera eskegi

hortzak garbitu  ilea orraztu  jantzi

ohean egoten naiz biluzik izara zikinen gainean

erdixka daudenak lurrean

koltxoiaren konkorrek

bizkarretik sakatzen naute

telefonoak jotzen duenean

inor aterantz etortzen denean

sumindu egiten naiz

harripeko zomorroaren modukoa naiz

izu horrexekin ere bai

ohean sartuta egoten naiz

so egiten diot armairuko ispiluari

garaipena da nire burua marruskatzea.