INSOMNIOA

Izan al haiz inoiz gela batean

behegaina

loak hartutako 32 lagunez josia?

hi baino ez hago esna,

sekula gelditzen ez diren

makinei eta adar-hotsei adi-adi,

buruan minotauroak darabiltzak,

buruan Segovia darabilk

zeinek egunean 5 orduz praktikatzen duen

edo hilobiak

praktikarik behar ez dutenak,

eta oinak endredatu egiten zaizkik izaretan

eta beherantz begiratzen duk esku batera

aise izan zitekeena 80 urteko gizon

batena, eta hi

32 giza-lotien gaina haiz

eta badakik haietarik gehientsuenak

jagi egingo direla

aharrausi egiteko eta jateko eta zaborra ateratzeko,

sabelustutzeko ere bai ausaz,

ordea une honetan hire esku zaudek,

minotauroz habilela

txingor gorien kantuari

eta perretxikoei hats hartzen:

kaskezurrak hilkutxak bezain lau,

amoranteak oro banandurik,

eta hi zutik jarri haiz eta zigarro bat piztu,

bistan denez,

oraino bizirik.