Arratoiak
Galizan, herri zahar, oinaztargi eta
Mamu izugarriek zurunduriko haritz horretan
Duela mendeak ari dira gizonak
Arratoiekin burrukan.
Zutabe eta ezkutarriak erori direneko
Gaztelu abandonatuetan,
Sarraila herdoilduen kexuan aditzen den legez.
Duela mendeak ari dira Galizian
Gizonak arratoiekin burrukan.
Beti irabazten dute arratoiek.
Harik eta dena
Gaztelu hondatu
Eta aldarerik eta errito
Oroitzapenik gabe geratu,
Saguzarrez eta fantasmez
Bakarrik inguratua.
Huntzez eta belez betea.
Arratoien bizilekua bakarrik.
Arratoiena bakarrik.
(Orbainak. Buenos Aires, 1959)