Pinu hilak
Gurdien xirrinka zorrotzak
Oskorri beilegia zauritzen.
Hilargia mendian gora igotzen da
Hiletari adio emateko.
Izarrak lerrorik lerro
Estarta argitzen;
Oihan desorraztua
Isiltasun lutoz dago.
Berdez umelduriko begiradarekin doaz
Laborarien idiak
Lehen atautean
Pinu hilak eramanaz.
Ilunabar konkabo eta sakonak
Itsaso aldetik bustitzen ditu
Zeruko kanpaiak tartekatzen dituen
Ezkila hots eroen oihartzunak.
Negarrez geratu zen lanean
Haize erraldoi eta alarguna
Haien bila haztamurka
Eremu humezurtzean.
(O Galo. 1928)