Gau altuan
Isiltasunaren silio luzatua
Kale bustien luzetasunean galtzen da;
Bere hari doratuak ilunbeak zulatzen ditu
Edo soka triste bat luzatzen die oroimenei.
Hutsaren ordua da, ametsen ordua,
Non eta ariman kurubilkaturiko hitzak
Loak hartzen bait ditu pentsamenduaren usategian
Beren mokoa hegalen azpian bilduaz.
Itsaso zirrara une hauetan
Lanbrotzen ari da ene bihotz gautua
Eta itsasbelar lako zure adatsaren
Laztan bigun eta garratza oroitzen dut.
Ortzemugaren lorratzean dirdiran dago
Egunsentiek beren ahoa zorrozten duteneko labea,
Eta zotinean hartzen da gaua
Goiztiria altzatuz datorren artean.
(Proel. 1927)