Izar ezezaguna
Beti ikusten zintudan zure ukondoak
Leiho haretan
hain hurrin!
Konstelazio batetatik zintzilik
Egunsentiak egunero erauzten zuen
Zuretzat
Bela bateko almanake orria
Baina ez zen sekula
Zeruko mapen sare faltsuan endregatu
Zure birxinitate horaila
Konplizea gaua
Marinelen sestantea kaiolatzen zuen
Lizunkeria bakun katalogatuak
Marinelek itotzen diren bakoitzean
Errepikatzen dituzten
Hogei urte guzien alargun errepikatua
Sekula ere ez zuten jakin gorputz noragabeek
Zuk beztitzen zenituela zeure begiradaz
Gauerdian hartu genuen branka
Gure eguneroko bidearen haizabean
Izar bat doa beti mastarik gabea
Bere itzal esponxaz
Betirako borratu zuen zure isla mutua
Egunsenti berriak ustekabean harrapatu ninduen
Izar argien artean
Galdu zitzaidan adio baten bila.
(Lauetatik Lauetara, untziko egunkari baten orriak. 1928)