Bakarkako isolamendua
Duela 50 urte, 1956ko martxoan, aldarrikatu zuen
Marokok independentzia. Europara erbesteratutakoen arazoak, hala ere,
urte gehiago ditu, eta ez du independentziarik lortu. Erbeste honen
testigantza aparta eskaini zuen Tahar Ben Jelloun
idazleak Bakarkako
isolamendua lanean. "Erbestea,
hori
bilo luzeko eta begi beltz handitako estuasuna! Begi handi horietan
zehar ibili naiz; horien ertzean bizi izan naiz, betile eta malkoaren
artean. Bidaiak egin ditut begirada hutsetan (hustuetan) eta ustezkoak
su hartu zuen egunean geratu nintzen. Luzea da esateko. Gogorra da
kontatzeko.
Ez galdetu zergatik nagoen hemen lur
irmo eta berriro suntsituan. Hartu nire eskua eta pasa ezazu zure
titien gainetik, zure sabelaren gainetik, zure sexuaren azal epelaren
gainetik. Nire herria esku honena da. Har itzazu atzamarrak ahoan eta
dastatu nire lurraren gatza." Bego Montoriok euskaratua, Susa
argitaletxeak kaleratu zuen 1990ean. Osorik
eskaintzen dizugu orain.
Efemerideak
1533 martxoak 9: Esteban Garibai
jaio zen Arrasaten.
1981 martxoak 9: Telesforo Monzon
hil zen Donibane Lohizunen.
1908 martxoak 11: Gabriel
Lertxundi jaio zen Ziburun.
1619 martxoak 12: Bernard
Gazteluzar jaio zen Ziburun.
1898 martxoak 12: Joseba Zubimendi
jaio zen Donostian.
1906 martxoak 12: Jose Artetxe
jaio zen Azpeitian.
1933 martxoak 12: Xabier Lizardi
hil zen Tolosan.
Literatura eta 7 bekatu nagusiak
Aurten ere literatura astea
antolatu dute Huhezin martxoaren 16an
(osteguna) hasi eta martxoaren
23a (osteguna) bitarte. Mahainguru bat eta hiru hitzaldi izango
dira. Lehen mahainguruan, martxoaren
16an (osteguna) 19:00etan Arrasateko Monterron Jauregian Bekatua eta haragikeria izango
dituzte hizpide
Aitzpea Goenagak,
Iñigo Lamarcak eta
Jabier
Muguruzak.
Ana Urkiza
izango da moderatzailea.
Inbidia izango du hizpidek
Kirmen Uribe idazleak
martxoaren
20an (astelehena) 19:00etan Huheziko areto nagusian,
Eskoriatzan.
Jatunkeria Hasier
Etxeberria idazlearen gaia izango da
martxoaren 21ean (asteartea)
19:00etan Huhezin.
Handiustea gai
moduan hartuko du
Unai Elorriagak
martxoaren 22an (asteazkena)
11:30etan, Huhezin. Eta azkenik,
Nagikeria profitatuko du
Harkaitz Canok
martxoaren 23an (osteguna)
19:00etan
Agenda
Bihotz Bakartien Klubak
Arrakalak
errezitala egingo du
martxoaren 11n (larunbata)
19:30etan Lekeitioko kultur etxean.
Paul Austerren
Brooklyngo erokeriak nobela
berria
martxoaren 14an (asteartea) egongo da
liburudendetan. Euskaratzailea: Oskar Arana. Argitaldaria: Alberdania.
Joxemari
Iturraldek
Nafarroako artizarra nobelaren
berrargitarapena aurkeztuko du
martxoaren
16an (osteguna) 11:30etan Donostiako Bilintx liburudendan.
Argitaldaria: Elkar.
Xabier Olarrak
Estilo
Ariketak liburua jendaurrean aurkeztuko du
martxoaren 16an (osteguna)
20:00etan Iruñeko Planetarioan.
Nahi
izanez gero, orain arteko Literatur Emailuak irakurgai dituzu Susa literatura
argitaletxeko webgunean.
Izena emateko edo
kentzeko, bidal itzazu zeure datuak beheko laukiak bete ondoren.