El Correo Español-ko literatur kritikak
188 kritika gehiago ditu Literaturaren Zubitegiak,
eta dagoeneko 1.000tik gora dira gunean dauden kritikak. Eguneraketa El
Correo Español egunkariko kritikak gehituz egin dugu,
1996tik 2001 bat bitartean Javier Rojok idatzi dituen kritikak hain
zuzen ere (2001etik gaur artekoak lehendik bazeuden). Literaturaren
Zubitegian liburu bakoitzari eransteaz gain, Kritiken
Hemerotekan ere jarri ditugu. Bertantxe ikus dezakezu zein diren
iruzkindutako liburuak.
Thomas Mannen heriotzaren 50 urte
1955eko abuztuaren 11n zendu
zen
Thomas
Mann, Alemaniako literaturak XX. mendean ezagututako idazle
handienetako bat. II. Mundu Gerrara bitarteko gizarte alemaniarra
erretratatu zuen bere eleberrietan, estilo aldetik ere ekarpenak eginez
eleberrigintzari. 1929an Nobel saria jaso zuen.
Buddenbroktarrak,
Mendi magikoa eta
Fausto doktorea dira bere lanik
esanguratsuenak, euskaraz dagoen bakarrarekin batera:
Herioa Venezian.
Literatura Unibertsala bildumaren baitan kaleratu zen, Ibaizabal
etxearekin, 1992an, Xabier Mendigurenek euskaratua. Osorik eskaintzen
dizuegu.