Karol Wojtilaren poemak euskaraz
Loiolara egindako bisitaz
gain, bestela ere iritsi zen Karol
Wojtila euskararen eremura 1980ko hamarkadan. Ez baita telebista
Wojtilak agertzeko hautatutako medio bakarra.
Santi Onaindiak
euskaratu zituen poloniarraren hainbat poema, eta
Olerti aldizkarian
argitara eman. Literatur Aldizkarien Gordailuan irakur ditzakezue, edo,
nahi izanez gero,
Euskal Bertso eta Olerkien Hemerotekan.
Jon Miranderen poemak
Karol Wojtilaren oso bestelakoa da
Jon Miranderen
idazkietan irakurtzen dena. Antitesia, esan genezake. Paristar
zuberotarraren poemek idazleak bizi eta sortu zuen munduaren ikuspegia
ematen digute, haren kezka eta jarduerena, haren irakurketa eta
sentipenena. 2002an plazaratu zuen Susa argitaletxeak
Jon Miranderen poemen antologia, XX. mendeko Poesia Kaierak
bilduman.
Poetak Bartzelonan
EH! Literaldia 2005 antolatu
dute liburuaren egunaren karietara Sant Jordi eguna ere ospatzen dute
Bartzelonako euskal etxekoek. Jon Elordik emango duen literaturari
buruzko ikastaroaz gain, zenbait poesia emanaldi eta liburu aurkezpen
bat ere izango dira Bartzelonan.
Xabi Bordak Birika zatiak liburuan
oinarritutako errezitala egingo du
apirilaren 15ean (ostirala)
20:00etan. Poemekin batera Aitor Bengoetxea
Ondarruk prestatutako bideoa
emango dute. Bartzelonako emanaldi honen karietara, Bordaren
8
poema katalanez jarri ditugu Susaren webgunean.
Kirmen Uribe
bere aldetik
apirilaren 22an (ostirala)
22:00etan izango da Euskal Etxean poemak errezitatzen.
Martxelo Otamendi Egunkariako zuzendariak
Plouen Mentides liburua
aurkeztuko du
apirilaren 23an (larunbata),
Lorea Agirrek idatzitako
Euria ari du
Egunkariaren itxieraren kronikaren katalanezko itzulpena.
Agenda
Unai Elorriagak
Literatura irakurtzeko eta idazteko
moduak hitzaldia eskainiko du
apirilaren
7an (osteguna) 19:30etan Zaldibarko liburutegian. Hurrengo
astean,
apirilaren 12an Yolanda Arrieta
izango da hizlari. Azkenik,
apirilaren
19an Kirmen Uribek
poesia errezitaldia eskainiko du.
Jon Arretxek
Griot liburuaren gainean
berba egingo du
apirilaren 7an (osteguna)
20:00etan Bergarako herri liburutegian.
Juan Ramon Makusok Musipoemak eskainiko
ditu
Bizitzeak hil egiten du poesia
liburuan oinarrituta. Saioa
apirilaren
7an (osteguna) 20:00etan Errenteriko Mikelazulo elkartean.
Luzien
Etxezaharretak Mende erdi
Iparraldeko literaturan hitzaldia eskainiko du
apirilaren 14an (osteguna) 19:30etan
Donostiako Koldo Mitxelena Kulturunean. Ostean Miren Aranburuk eta
Kattalin Totorikak testuen irakurraldia egingo dute.
Bihotz Bakartien Klubak
Arrakalak
emankizuna eskainiko du
apirilaren 14an (osteguna)
20:30etan Barakaldoko Laguntasuna dantza taldearen lokaletan.
Luzien
Etxezaharretak euskal literaturari buruzko hitzaldia eskainiko du
apirilaren 16an (larunbata) goizeko
10:00etatik aitzina, Sarako herriko ostatuan, Literatura Eskolak
antolatuta.
Oskar Wilden
Fidel izan beharraz liburua izango dute hizpide
apirilaren 27an (asteazkena)
18:30etan Arrasateko Monterron kultur etxean.