Leuropa
Oraindik ere Konstituzioaren
inguruko erreferendumaren oihartzunekin dabilela, Europak hainbat
alderdi ezkutu ditu, eta horietako bat erakutsi zigun
Pablo Sastrek
2002an,
Leuropa
eleberrian. Susak eta Euskalgintza Elkarlanean Fundazioak kaleratua,
Tximi eta Sakiren ibilerak irakur ditzakegu, Marokon eta Euskal
Herrian. Hizkuntza bixi erakargarri batean idatzia, liburu bikaina eman
zigun Sastrek. Osorik irakur dezakezu orain.
Salvador Espriuren poemak
1985eko otsailaren 22an, orain
20 urte, zendu zen Bartzelonan
Salvador Espriu,
XX. mendeko Kataluniako idazle handietako bat. Narradore, antzerkigile
eta poeta, bizi izan zuen garaiko erretratua egin zuen bere
literaturarekin, bere ahotsa bere komunidadearenean txertatua. Bere
poemak, 1965 ezkeroztik, euskaraz irakur daitezke.
Sinerako liburua eta
Zezen larrua osorik (
Juan San Martinek
euskaratuak), eta beste zenbait literatur aldizkarietan edo
antologietan bilduak.
Hementxe
eskaintzen dizkizuegu denak.
1898
otsailak 24: Tomas Agirre Barrensoro jaio zen
1948 otsailak 24: Frantzisko
Apalategi hil zen Loiolan.
1977 otsailak 27: Ixaka Lopez
Mendizabal hil zen Tolosan.
1884 otsailak 29: Jose Manterola
hil zen Donostian.
1899 martxoak 1: Aingeru Irigaray
Apat-Etxebarne jaio zen Beran.
1915 martxoak 1: Anjel Goenaga
jaio zen Zegaman.
Goierriko irakurleak
Tere Irastortza, Andoni eta
Aitor Sarriegi, Iñaki Apalategi, Xabier Mendiguren Elizegi,
Koldo Goitia, Jon Arano, Koldo Zubeldia, Juanbau Erauskin, Idurre
Eskisabel, Irati Goikoetxea, Oier Zurutuza eta Izaskun Jauregik bere
testuen irakurketa egingo dute
otsailaren
25ean (ostirala) 21:30etan Beasaingo gaztetxean. Poesia eta
prosazko testuak izango dira eta biolinjole batek lagunduta egingo dute
irakurketa.
Joxe Aranzabalek
Medikuak esan dit minbizia dudala liburua
aurkeztuko du
otsailaren 25ean (ostirala)
19:00etan Elorrioko udaletxean. Bertan izango dira Luis Fernandez, Iban
Arantzabal eta Xabier Mendiguren.
Yolanda
Arrietak Jostorratza eta haria
edo nola josi gure identitatea hitzaldia eskainiko du
otsailaren 25ean (ostirala)
19:30etan Mungiako Torrebillela kultur etxean.
Iban Zalduak
Itzalak ipuin liburuko
pasarteak irakurriko ditu
otsailaren
25ean (ostirala) 19:30etan Donostiako Ernest Lluch kultur
etxean. Musikari laguntzaileak: Jabier Muguruza eta Roberto Yaben.
Haser Larretxearen
Bazaudete? poesia
liburuaren aurkezpena egingo dute
otsailaren
25ean (ostirala) 20:00etan Andoaingo gaztetxean.
Edu Zelaietak
Mugaldekoak
poesia errezitaldia eskainiko du
otsailaren
25ean (ostirala)
20:30etan Gasteizko Gora tabernan. Bi musikari lagun izaten ditu
Zelaietak ekitaldiotan: Beñardo Goietxe (kitarra) eta Raul
Garcia (zerra melodikoa eta harmonika).
Letren Kilimak saioa egingo
dute
otsailaren 25ean
(ostirala) 22:30etan Errenteriako Mikelazulo elkartean. Poesiak
eskailera batera igota irakurriko dituzte oraingoan.
Quim Monzóren
Gauza guztien
zergatia ipuin liburua izango dute mintzagai
martxoaren 4an (ostirala) 20:00etan
Iruñeko Zaldiko Maldikoren egoitzan.
Luis Berrizbeitia
euskaratzailea ere bertan izatea espero dute antolatzaileek.
Julen
Gabiriaren Han goitik itsasoa
ikusten da liburua izango dute mintzagai
martxoaren 9an (asteazkena)
20:30etan Deustuko Irakurlearen txokoan, Bidarte etxean. Idazlea
beraiekin izango da.