Mikel
Tabernaren Txokolatezko
dinamita
Bidasoa inguruko uren doinu eta usaina darie
Txokolatezko
dinamita liburuko ipuinei. Literatur aldizkarietan zaildua,
estreinako liburua zuen
Mikel Tabernak
Susarekin 2002an kaleratu zuen hau. Hamar istorio eta hainbat
protagonista hurbileko dakarzkigu Tabernak, ezagutu gabe ere denon
ezagunak direnak, idazkera estilo fin batez ehundutako istorioetako
protagonistak.
Pudente lehen euskal
opera Interneten osorik
Euskaraz.net-ek
Serafin Barojaren
Pudente,
lehen euskal opoera, jarri du sarean. Egileak berak egin zuen lehen
argitarapena 1878an eta J.A. Santestebanek, 1890 inguruan, musika
idatzi eta Pudente operaren libretoa argitaratu zuen.
Euskaraz.net atariak bi bertsioak jarri ditu sarean, bakoitza dagokion
musika eta partiturekin.
Efemerideak
1785
urtarrilak 13: Frantzisko
Xabier Munibe Idiakez Peñafloridako
kondea hil zen Bergaran.
1948 urtarrilak 13: Mario Onaindia
jaio zen Lekeition.
1920 urtarrilak 14: Txomin Agirre
hil zen Zumaian.
1931 urtarrilak 15: Roger Idiart jaio
zen Azkainen.
1949 urtarrilak 15: Kepa Ormaetxea
hil zen Txileko Viña del Mar herrian.
1906 urtarrilak 16: Felipe Arrese
Beitia hil zen Otxandion.
1916 urtarrilak 16: Juan Bautista
Bilbao Batxi hil zen itsasoan.
1862 urtarrilak 17: Pierre Topet Etxahun
hil zen Barkoxen.
1915 urtarrilak 17: Antonio Valverde
Ayalde jaio zen Errenterian.
1917 urtarrilak 17: Bixente
Barandiaran jaio zen Itsasondon.
1919 urtarrilak 18: Salbatore
Mitxelena jaio zen Zarautzen.
1968 urtarrilak 18: Pierre Duhour
hil zen Hazparnen.
Agenda
Itzalik ez duen gorputza
poesia
irakurraldia egingo dute
urtarrilaren
13an (osteguna) 19:00etan Gasteizko IKA euskaltegiaren 15.
urteurrena ospatzeko. Bertan izango dira Ana Arregi,
Edu Zelaieta
eta
Kirmen
Uribe.
Joan Mari
Irigoien Odolean neraman liburuari
buruz berbetan egongo da
urtarrilaren
14an (ostirala) 20:00etan Bermeoko liburutegian.
Miren Agur
Meabek Poeta bat azal bila errezitaldia
egingo du
urtarrilaren 19an (asteazkena)
19:30etan Basauriko Euskarabila elkartean. Kitarra: Iñaki
Kareaga.
Bihotz Bakartien Klubak
Arrakalak
errezitala egingo du
urtarrilaren 20an (osteguna)
20:00etan Bilboko Ekoetxean. Arte Ederretako ikasleek egindako
animazio guztiak proiektatuko dira.
Edu Zelaietak
Mugaldekoak
poesia errezitaldia eskainiko du
urtarrilaren
21ean (ostirala) 21:00etan Irungo Kabigorri ateneoan.
Urtarrilaren 28an berriz (ostirala)
19:30etan Amarako Ernest Lluch kultur etxean izango da.
Nahi
izanez gero, orain arteko Literatur Emailuak irakurgai dituzu Susa literatura
argitaletxeko webgunean.