Elektrika, Montoiaren triologiaren amaiera
Azaro honetan 50 urte dira Aljeriaren
askapenerako matxinada hasi zela. Frantziako Armadak koloniari indarrez
eusteko milaka soldadu mobilizatu zituen, haien artean batzuk euskal
herritarrak. Gudaldi hura da Xabier Montoiaren
Elektrika
nobela berriaren eszenatokia, eta Jean Etxegoien protagonista.
Irakurtzen hasi orduko ohartuko zara ez dela historia-lezio bat, baizik
eta infernuan barrena bidaia bat, hilkintzez eta triskantzez gidatua.
Xabier Montoiak
Elektrika honekin amaitu du
zikloa,
Hezur
gabeko hilak eta
Blackout
nobelekin batera
Hilen bizimoldea
izeneko hirukoa osatuta: Etxegoien Lehen Mundu Gerran, ondoren Bigarren
Mundu Gerran, eta Aljeriako Gerran orain.
Juanjo
Olasagarreren Bizi puskak
1996an kaleratu zuen Juanjo Olasagarrek
Bizi
puskak, bere bigarren poemarioa (lehenago, Susarekin baita ere,
Gaupasak,
1991n). Unibertso poetiko oso bat azaldu zigun, baina ez batere
abstraktua, oso zehatza baizik: poema-liburua 21 pertsonaiaren ahotsen
bidez erakutsiriko herri baten ikuspegi handia da. Hainbat gai, estilo
eta gogoetari heltzen dion liburua,
Puskak
biziz liburuan jarraipena izan zuena, goi mailako poeta baten
ekarpena erakutsi zigun. Osorik irakur dezakezu
Bizi
puskak.
Efemerideak
1866
azaroak 26: Jean Martin
Hiribarren hil zen Baionan.
1900 azaroak 27: Sorne Unzueta Utarsus
jaio zen Bilbon.
1913 azaroak 27: Inazio Eizmendi Basarri
jaio zen Errezilen.
1875 azaroak 28: Juan Bautista
Eguzkitza jaio zen Lemoan.
1983 azaroak 28: Aingeru Irigaray
Apat-Etxebarne
hil zen Donostian.
1767 azaroak 29: Juan Inazio
Iztueta jaio zen Zaldibian.
1947 azaroak 29: Ramon Intzagarai
Elurmendi hil zen Donostia.
1904 abenduak 1: Telesforo Monzon
jaio zen Bergaran.
1989 abenduak 1: Patxi Etxeberria
hil zen Loiolan.
Getxoko literatur gida
Getxon bizi diren (
Kepa Altonaga,
Unai
Elorriaga,
Iñaki
Friera,
Amaia
Iturbide,
Laura
Mintegi, Xabier Paia eta
Joseba
Santxo) eta bizi izan diren (
Federiko Krutwig,
Markos Olabarri
eta Tellagorri) idazleen gida osatu du Estibaliz Ezkerrak. Idazle
bakoitzaren biografia laburra eta bibliografia; eta idazle bakoitzak
erantzundako galdetegi laburrak batu ditu Ezkerrak Getxoko
literatur
gida honetara. Liburua
abenduaren 2an
(osteguna)
aurkeztuko dute Getxoko Torrene kaleko erakusketa aretoan. Liburuan
azaltzen diren idazleak literaturaz berbetan arituko dira mahai
inguruan. Argitaldaria: Getxoko Euskara zerbitzua.
Agenda
Anjel Lertxundi
Italia, bizitza hizpide
liburua aurkeztuko du
azaroaren 25ean
(osteguna) 12:00etan Donostiako udal liburutegiko sotoan. Argitaldaria:
Alberdania.
Jim Thompsonen
1280
arima liburua izango dute hizpide
azaroaren 25ean (osteguna) 20:00etan
Gasteizko Irakurleen Klubekoek Hikateneoan.
Antzerkiola Imaginarioak
Jon Gerediagaren
poemetan oinarritutako
Fitola Balba
lana taularatuko du
azaroaren 26an
(ostirala) 22:00etan
Berako Bidaxka ostatuan.
Bihotz
Bakartien Klubak
Arrakalak
errezitaldia eskainiko du
azaroaren
26an (ostirala) 22:30etan Bergarako gaztetxean.
Letren Kilimak ikuskizuna (poesia, antzerkia, musika) eskainiko dute
hileko azken ostiralero bezala
azaroaren
26an (ostirala) 22:30etan Errenteriako Mikelazulo elkartean.
Sandor Marairen Azken
hitzordua aztertuko dute azaroaren
26an (ostirala)
20:00etan Iruñeako Zaldiko Maldikon Liburuak irakurriz
dibertitzen gara sailaren barruan, Xabier Olarra euskaratzailea
bertan izango da.
Iban Zalduak
Irakurraldi bat euskal gatazkaren inguruan
irakurketa egingo du
azaroaren
26an (ostirala) 20:00etan Altsasuko Iorta kultur gunean.
Era berean,
Itzalak liburuko
pasarteak pianoaren musikaz lagundurik irakurriko ditu
abenduaren 2an (osteguna) 19:30etan
Gasteizko Alde Zaharreko Luis Aranburu Musika Eskolan. Pianoa: Koruko
Heras.
Felipe
Juaristik Begi-ikarak
poema liburua aurkeztuko du
azaroaren
29an (astelehena) 12:00etan Donostiako Udal Liburutegiko Sotoan.
Argitaldaria: Erein. Ekitaldi berean
Mikel Hernandez
Abaituaren Panpinen erreinua
liburuaren edizio berritua agertuko dute.
Joxerra Garziak
Kurrin kurrin vitae aurkeztuko
du azaroaren 30ean (asteartea) 12:00etan Donostiako udal liburutegiko
sotoan. Argitaldaria: Alberdania.
Joxe Mari Lopetegi Errepublikanoen
bertsolaria aurkeztuko du Joxean Elosegi biografoak
abenduaren 1ean (asteazkena)
11:00etan Donostiako liburutegian. Argitaldaria: Paper hotsak.
Edu Zelaietak
Mugaldekoak
poema liburuaz solasaldia egingo du
abenduaren
1ean (asteazkena) 20:00etan Gasteizen EHUko Campusean.
Xabi Bordak
Birika
zatiak poema liburuan oinarritutako errezitala egingo du
abenduaren 2an (osteguna) 21:00etan
Azkoitiko Matadexen. Antolatzailea: Maxixatzen.
Nahi
izanez gero, orain arteko Literatur Emailuak irakurgai dituzu Susa literatura
argitaletxeko webgunean.