Gotzon Barandiaran:
Arrakalak
Gotzon Barandiaranen lehen liburuaren aurrerapena
dituzu sei poema hauek.
Arrakalak
poemarioa datorren astean aurkeztuko du Bilboko Likiniano liburudendan,
azaroak 25 (osteguna) goizeko
11:00etan; eta biharamunean gauean Bergarako Gaztetxean errezitaldia egingo
du Bihotz Bakartien Klubarekin. Poemetan oinarritutako animaziozko laburmetraiak
egin dituzte hemezortzi artistek errezitaldirako, Bego Vicarioren lankidetzaz.
Edorta Jimenezen
Kilkerren hotsak
Uriarte jaunak badu zer kontatua, eta badu nori kontatu. Bisitaria etorri zaio
Mallona alkatea zergatik fusilatu zuten itaunka. Amuari ihes egin ezinik,
nahita ere, Uriarte kontatzen hasiko da, istorioaren mataza askatzen,
bere historiaren mataza askatu eta era berean korapilatzen. 36ko gerran
Euzko Jaurlaritzako Informazio Zerbitzuan lanean jarduna, saiatuko da
asetzen Uriarte jauna Bisitariaren jakin-mina. Eta Edorta Jimenezek sobera
asetzen du irakurlearen gogoa, Uriarteren narrazioko bouak bezala, zalu
baitoa irakurlea eleberriko itsasoan. Jimenezen laugarren eleberria,
Kilkerren
hotsak gozatzeko moduko liburua da.
Efemerideak
1761 azaroak 18: Agustin
Basterretxea hil zen Lekeition,
1700eko
azaroaren 22an Izpazterren jaioa.
1611 azaroak 19: Rafael Mikoleta jaio
zen Bilbon.
1909 azaroak 19: Mariano
Estornes Lasa jaio zen Izaban.
1913 azaroak 19: Rodolfo Bozas jaio
zen Donostian.
1921 azaroak 19:
Piarres Xarriton
jaio zen Hazparnen, Xabier Gasteiz
izenordea erabili zuen literatur lanetan.
1963 azaroak 19: Katalin
Eleizegi hil zen Lizarran.
1891 azaroak 20: Agustin Anabitarte
jaio zen Donostian.
1986 azaroak 20: Balendin Enbeita hil
zen Muxikan.
1878 azaroak 21: Ramon Intzagarai Elurmendi
jaio zen Donostian.
1993 azaroak 21:
Andoni Urrestarazu
Umandi hil zen Gasteizen.
1915 azaroak 22: Andre Ospital jaio
zen Alduden.
1883 azaroak 23: Jon Kurutz Ibargutxi
jaio zen Ubidean.
1929 azaroak 23: Robustiano Ortuzar hil
zen Bermeon.
1971 azaroak 23: Klaudio Sagarzazu Satarka
hil zen Hondarribian.
1870 azaroak 24: Juan
Manuel Lertxundi jaio zen Tolosan.
1911 azaroak 24: Jon Oñatibia
jaio zen Oiartzunen.
Agenda
Harkaitz Cano
Euskal kulturaren ajeak eta literatura
zikloaren barruan
azaroaren 18an
(osteguna) 19:30etan Bilboko Euskaltzaindiaren egoitzan arituko da.
Bilbo Zaharra Forum.
Xabier Mendigurenek
Telesforo Monzonen
artikulugintza izango du hizpide
azaroaren 18an (osteguna) 20:00etan Donostiako
Dr. Camino liburutegian. Aurkezle: Guillermo Etxeberria.
Juanjo Olasagarrek
Literatura eta iraultza
hitzaldia eskainiko du
azaroaren 18an (osteguna) 20:00etan Altsasuko
Iorta kultur gunean. Antolatzaile: Kima euskara elkartea.
13 idazlek idatzitako ipuinekin osatutako
Lehenengo aldia izeneko liburua
aurkeztuko dute
azaroaren 19an
(ostirala) 11:00etan Donostiako Hontza liburudendan. Argitaldaria:
Txalaparta.
Bihotz Bakartien Klubak
Arrakalak
errezitaldia eskainiko du
azaroaren
26an (ostirala) 22:30etan Bergarako gaztetxean
Antzerkiola Imaginarioak
Jon Gerediagaren
poemetan oinarritutako
Fitola Balba
lana taularatuko du
azaroaren 19an
(ostirala) 22:30etan Lasarteko Jalgi Kafe Antzokian, eta
azaroaren 26an (ostirala) 22:00etan
Berako Bidaxka ostatuan.
Markos Zapiainek Txillardegiren
literatura eta pentsamenduzko ibilbidea hitzaldia eskainiko du azaroaren
24an (asteazkena) 20:00etan Iruñeko Zaldiko Maldikon. Azaroaren
26an (ostirala) 20:00etan Liburuak
irakurriz dibertitzen gara sailaren barruan, Sandor Marairen Azken
hitzordua aztertuko dute Xabier Olarra euskaratzailearekin
batera.
Jim Thomposen
1280
arima liburua izango dute hizpide
azaroaren 25ean (osteguna) 20:00etan
Gasteizko Irakurleen Klubekoek Hikateneoan.
Iban Zalduak
Irakurraldi bat euskal gatazkaren inguruan irakurketa
egingo du
azaroaren 26an (ostirala)
20:00etan Altsasuko Iorta kultur gunean. Era berean,
Itzalak
liburuko pasarteak pianoaren musikaz lagundurik irakurriko ditu
abenduaren 2an (osteguna) 19:30etan Gasteizko
Alde Zaharreko Luis Aranburu Musika Eskolan. Pianoa: Koruko Heras
.
Nahi
izanez gero, orain arteko Literatur Emailuak irakurgai dituzu Susa literatura
argitaletxeko webgunean.