Literatur
Emailuak
Edorta
Jimenezen Azken fusila
italieraz
L'ultimo
fucile izenburuaz eta Roberta Gozziren
itzulpenarekin plazaratu berri du Milanoko
Tranchida argitaletxeak Edorta
Jimenezen
Azken
fusila nobela (1993-Susa). Idazlea Italian da nobela aurkezten:
astelehenetik ostegunera bitartean bost hitzaldi egin ditu Milanon, eta
bana bihar Bergamon eta larunbatean Erroman. Tranchidak Edorta Jimenezi
argitaratzen dion bigarren nobela da, iaz agertu baitzuen "La voce
delle balene" ("Baleen berbaroa", 1997-Txalaparta).
Joxe
Azurmendiren 68 poema alemanez
Joxe Azurmendi
poeta bezala baino saiogile eta filosofo moduan da ezagunagoa.
Idazle aparta hala ere.
Hitz Berdeak
poesia liburua 1971. urtean kaleratu zuen Arantzazuko EFA
argitaletxearekin. Geroztik saiakerari emana izan da luzaroan.
Orain aurkezten dizkizugunak
alemanera
itzulitako 68 poema dira. Azkena, Azurmendiren poemarik ezagunena;
Manifestu
atzeratua-Verspätetes manifest.
Bertso eta Olerkien
hemeroteka armiarma.eus atarian
Ametzagaiña taldeak eta
Susa argitaletxeak
Bertso eta Olerkien hemeroteka
osatua jarri dute armiarma.eus atarian. Lan hau
Julen Urkizak hasitakoaren
jarraipena da eta euskaraz idatzitako eta idatziko diren bertso eta
olerkiak bildu, sailkatu eta gizarteratzeko gunea da. Orain arte
bildutako 46.000 erregistroetatik %20k badu erantsia, jada, bertsoa edo
olerkia, 9181 orain arte.
Lan honetan Susa argitaletxeak autoritateak finkatzeko ardura hartu du
eta baita produktua ostatatzekoa ere,
armiarma.eus atarian. Proiektu
honek
Gipuzkoako Foru Aldundiaren
laguntza izan du, eta hiru urtetako lana dago proiektuaren muinean.
Oraindik osatzen eta gehitzen joango den proiektu honek, jendearen
partehartzea bultzatu gura du.
Itxaro
Bordaren Orain
Euskal literaturako izen handietako bat, poesiari heldu zion
Orain
liburuan (Susa, 1998) Itxaro Bordak. Zazpi urte zeramatzan azken
poema liburua egin zuenetik (
Bestaldean,
Susa); Amaia Ezpeldoi detektibearen trilogia argitaratu zuen tarte
horretan. Eta 1998an
Orain
ekarri zigun, bere poema libururik helduenetako bat, non formalki ere
berezia den Deep Northern atalak indar izugarria erakusten duen. Osorik
irakurri dezakezu poesia liburu hau.
EAJren kanpaina
EAJk estatutuarentzat baiezkoa eskatuz hasitako kanpainari gogor ekin
zioten Saizarbitoriak eta Izagirrek, bai eskatzeko erabilitako leloa
bereziki. Artikuluan Basarriren "bordatxoak" ere izan zuen
tartea. Eta ez zuten erabat askatu Federiko Krutwigek botatako hitzen
haria, Oteizak esandakoekin alderatuz. Konbinazio arras interesantea.
Zeruko
Argiaren 848.arekin emandako
Oh! Euzkadin Jon
Casenave izan
zuten artista gonbidatua.
Efemerideak
1960 urriak 21: Martin Uriarte
hil zen Zornotzan.
1723 urriak 23: Frantzisko
Xabier Munibe Idiakez Peñafloridako kondea
jaio zen Azkoitian.
1858 urriak 23: Augustin Xaho
hil zen Baionan.
1866 urriak 26: Ebaristo
Bustintza Kirikiño
jaio zen Mañarian.
1893 urriak 27: Jose Garzia
jaio zen Hernanin.
Agenda
Joxemiel Bidador euskal literaturaz
mintzatuko da urriaren 21ean (osteguna)
20:00etan Mendillorriko Ezpondapea elkartean.
Joseba Iriondok Palestina Hotela liburuari buruz
berba egingo du urriaren 21ean (osteguna)
20:00etan Burlatako Axular kultur elkartean.
Xabi Bordak Birika
zatiak poema liburuan oinarrituta errezitala egingo du urriaren 21ean (osteguna) 21:00etan
Azpeitiko
Sindikatu Zaharrean. Antolatzailea: Uztarria.
Iban Zaldua
Itzalak liburua aurkezten
izango da urriaren 22an
(ostirala) 12:00etan
Donostiako Udal Liburutegiko sotoan. Aurkezlea: Pello Lizarralde.
Argitaldaria: Erein.
Begoña Bilbaok
Palestina, zure mina liburua
aurkeztuko du urriaren 22an (ostirala) 12:00etan Bilbokok Abante
kulturgunean. Argitaldaria: Elkar.
Harkaitz Canok gidatuta, Eider Rodriguezen
Eta
handik gutxira gaur liburua izango dute mintzagai urriaren 25ean (astelehena)
19:30etan Donostiako Udal liburutegian.
Pablo Sastrek Elurretan
hotsak nobela aurkeztuko du urriaren
27an (asteazkena) 11:30etan Donostiako Bilintx liburudendan.
Gonbidatua: Harkaitz Cano. Argitaldaria: Susa.
Eider Rodriguezek Eta
handik gutxira gaur ipuin liburuaz jardungo du urriaren 27an (asteazkena) 19:30etan
Txurdinagako euskaltegian. Antolatzailea: Asapala elkartea.
Martin eta Xabier
Etxeberriak Itxoidazu Cafe d
Passy-n liburua
aurkeztuko dute urriaren 28an
(osteguna) 11:30etan Donostian. Argitaldaria: Elkar.
Juanjo Olasagarrek
Ezinezko maletak liburuaz berba egingo du urriaren 28an (osteguna) 20:00etan
Gasteizko Irakurle Klubean (Hikateneoan).
Nahi
izanez gero, orain arteko Literatur Emailuak irakurgai dituzu Susa literatura
argitaletxeko webgunean.