Literatur
Emailuak
Xabi
Bordaren Birika zatiak
Literatuzta
aldizkariaren hiru aleetan irakurriko zenizkion poemak Xabi Bordari
(1981, Azpeitia).
Birika
zatiak izenburuarekin plazaratu du bere lehendabiziko liburua,
datorren astean (urriak 8) aurkeztuko duena Jon Benitoren laguntzaz.
Aurrerapen gisa dakartzagu liburuko sei poema. Argitaldaria: Susa.
Jon Iñaki Lasaren Andaluziari ene bilduma
Andaluziari ene bilduma deritzo
Jon Iñaki
Lasak Susa
argitaletxearekin 1984an kaleratu zuen poema-liburuak. Poeta ez zen
berria, Alizia eta biok publikatua zuen Ustela Sailean 1982an. Han
hasitako bidearen sendotzea erakutsi zuen orain osorik eskaintzen
dizuegun Andaluziari ene bilduman. Literaturari lotua jarraitu badu ere
—itzulpenak, poemak Galeuscan...—, hauxe izan zuen argitaratutako azken
liburua.
Iraultzaile eta konfliktibo
Aurreko astean heldua zioten
iraultzaile eta
konfliktibo gauza bera ez dela
gaiari
Oh Euzkadi sailean,
eta sakondu
zuten
Zeruko Argiaren
845.
zenbakiko artikuluan. Euskaltzaletasuna izan zuten hizketagai
zehatza iraultzaile eta konfliktiboaren eremuan. 25 urte beranduago
ondo asko irakurtzen diren hitzak. Iraileko bigarren emanaldi honetan
errekuperatu zuten idazle gonbidatuaren saila, eta Ladix Arrosagarairen
testua eskaini.
Efemerideak
1948 irailak 30:
Joan Mari
Irigoien jaio zen Altzan.
1829 urriak 1: Juan Jose Alkain
Udarregi jaio zen
Aian eta 1895eko urriaren 2an
hil zen Usurbilen.
1979 urriak 1: Pierre
Bordazarre Etxahun-Iruri
hil zen Pauen.
1980 urriak 1: Xabier
Peña hil zen Tolosan.
2003 urriak 1: Bixente
Barandiaran hil zen Donostian.
Agenda
Karmele
Jaiok
Hamabost zauri liburua
aurkeztuko du
irailaren 30ean (osteguna)
11:30etan Donostiako Udal Liburutegiko sotoan. Argitaldaria: Elkar.
Andolin
Eguzkitza omenduko dute
urriaren
4an (astelehena) 19:30etan Ortuellako Gorbea aretoan. Bere
literatur ibilbidea aztertu eta bbk-ko irakurleek bere poema batzuk
errezitatuko dituzte musikarien laguntzaz.
Bihotz Bakartien Klubak Sarri
gure artean errezitaldia egingo du
urriaren 6an (asteazkena) 20:00etan
Algortako kultur etxean. Antolatzailea: Bizarra lepoan.
Ion Aiastuik
Biolinaren jatorria poesia
liburua aurkeztuko du
urriaren 7an
(osteguna) 11:30etan Donostiako Udal Liburutegiko sotoan. Argitaldaria:
Elkar
Xabi Bordak
Biriki zatiak
poesia liburua aurkeztuko du
urriaren
8an (ostirala) 12:00etan Donostiako Udal Liburutegiko sotoan.
Aurkezlea: Jon Benito.
Nahi
izanez gero, orain arteko Literatur Emailuak irakurgai dituzu Susa literatura
argitaletxeko webgunean.