Literatur
Emailuak
Agostinho Netoren heriotzaren 25 urte
1979ko
irailaren 10ean hil zen Agostinho Neto, Angolako idazle,
iraultzaile eta estatu-gizona. Idazlea gaztetandik lotu zitzaion bere
herriaren askapenaren aldeko borroka politikoari. MPLA taldeko
sortzaile eta buru, 1975ean Angolak independentzia lortu zuenean
Agostinho Neto hautatu zuten lehendakari. Hainbat hizkuntzatara
itzulia, euskarara Urtzi Urrutikoetxeak ekarri berri du lehendabizi,
Linterna
Gorria aldizkariaren 3. zenbakirako euskaratu baitzuen
Afrikako negarra poema. Orain,
Literatur Emailu honetarako, Koldo Izagirrek, Bego Montoriok, Mikel
Elorzak eta Iñigo Aranbarrik bere hainbat poema euskaratu dituzte.
Hemen
dituzu denak.
Negu Gorriak Tour
Ideia Zabaldu Tour zen, osorik,
1995ean Negu Gorriak taldeak Europan zehar egin zuen biraren izena. Taldeak
jada tokia lortua zuen euskal musikagintzaren eremuan, eta ez soilik musikarenean,
eta euren kantu eta aldarrikapenak Euskal Herrian ez ezik Europan zabaltzeko
bira luzea egin zuten. Garbiñe
Ubeda kazetaria haiekin joan zen, haiek bizitakoak bizi zituen, eta
liburu batean jaso argazkiz hornituriko kronika bizi batean, kontzertuak
bai, baina haien ingurukoak ere jasotzen direla, eta Europan bisitatzen
dituzten tokien eta hango mugimenduen berri ere jasotzen dela. Osorik
daukazu orain.
Efemerideak
1868 irailak 9: Gorgonio
Renteria jaio zen Elantxoben.
1811 irailak 11: Jean B. Arxu jaio zen
Altzürükun.
1984 irailak 12: Odon Apraiz hil zen
Gasteizen.
1865 irailak 14: Jose
Elizondo jaio zen Tolosan.
1960 irailak 14: Bernardo Maria Garro Otxolua
hil zen bilbon.
1969 irailak 14: Jon
Kurutz Ibargutxi hil zen Ubidean.
1981 irailak 15: Imanol Berriatua hil
zen Jerusalenen.
Pello Lizarralderen isilaldietan barna
Horixe du izenburua Espainiako Tarazonan
irailaren
6tik 10era bitartean egindako itzulpen mintegiak.
Tarazonako Itzultzaile Etxeak
eta
EIZIEk antolatu dute ekimena. Helburua:
euskaratik beste lau hizkuntzetara itzultzea
Pello
Lizarralderen zenbait
literatur lan. Hizkuntzak: suomiera (Mia Rissanen eta Joseba Ossa), frantsesa
(Edurne Alegria), daniera (Pernille Hansen eta Juan Mari Mendizabal) eta errusiera
(Mikhail Zelikov eta Jose Morales).
Irailaren 10ean (ostirala)
Donostian mintegian izandako esperientziaren berri emango dute
mahai-inguru batean, eta landutako testu laburrak irakurriko dituzte
bost hizkuntzatan, musikaz lagunduta.
Informazio gehiago:
eizie.org
Agenda
Antton Kazabonek
Pirtzina
zilborrean liburua aurkeztuko du
irailaren
10ean (ostirala) 12:00etan Donostiako udal liburutegiko sotoan. Argitaldaria:
Elkar.
Nahi
izanez gero, orain arteko Literatur Emailuak irakurgai dituzu Susa literatura
argitaletxeko webgunean.