Literatur Emailuak

2004ko martxoaren 24an [zenbaki berezia]
Andolin Eguzkitza gogoan

Susa literatura argitaletxea

 

Ohera joateko ordua

Poema liburu berria idazten ari zen Andolin Eguzkitza. Lagunen artean banatuak zeuzkan poema batzuk, zuzenketak proposatzeko. Juan Ramon Madariagari emanak zizkion hamabostetarik bat duzu hau: Ohera joateko ordua heldu zaio.
        Andolin Eguzkitza Santurtzin jaio zen1953ko abenduaren 6an. Bart gauean hil da Bilbon.

Erraietan barrena euria egiten digunean

Hiru nobela eta hiru poema liburu argitaratu zituen Andolin Eguzkitzak. Erraietan barrena euria egiten digunean poema antologia izan zen azkena, katalanez eta euskaraz plazaratua (Brosquil edicions, Valentzia - 2001). Hemen duzu osorik, elebitan, Manel Alonso i Català-ren itzulpenarekin: Quan plou en les entranyes.
        Beste liburu bi ere badituzu hemen irakurtzeko: Mila urte igaro eta, ura bere bidean poema liburua (Susa - 1993) eta Herioaren itzalpeetan nobela (Txalaparta - 1998).
        Gainerako liburuak: Lehen orenean nobela (Elkar, 1979), Orhiko mendirantz urratsez urrats poesia (Pamiela, 1986) eta Urkidian zehar nobela (Pamiela, 1987).

Literatur aldizkarietan

Lehen literatur lanak 1975eko Eganen plazaratu zituen. Ondoren: Pott bandaren praka, Xaguxarra, Maiatz, Pamiela, Zintzhilik, Susa eta Mazantinin.
        Egunkarietan ez ezik aldizkari hauetan ere idatzi zuen: Hegats, Zeruko Argia, Jakin, Anuario Seminario Filolofia Vasca, Bidebarrieta, Ele, Euskera, Fontes Linguae Vasconum, Hizpide, Karmel, Saioak, Zutabe eta Anaitasuna; azken horretarako Jon Mirande elkarrizketatu nahi izan zuen, baina Mirandek 1971ko abuztuan gutunez adierazi zion ezezkoa, barkamen hitzez

Kavafis eta Grass

Aldizkarietarako euskaratu zituen idazle hauen poemak: WB Yeats, Hadassa Moscovici, James McCorkle, Kenneth Weisner, Gary Whittington, Donald Justice, Osip Maldeshtam, Manel Alonso i Català eta Jaume Perez Montaner; eta ipuin bat Isaak Babel-ena.
Liburuetan dauzkazu Gunter Grassen Batzarra Telgten (Alberdania, 2002) eta Kostantinos Kavafisen Poema Antologia (Pamiela, 1995). Azken honetako hainbat poema dituzu hemen irakurgai.
        Argitaratu gabe dago oraindik Denis S. Miles-en Laguna nobela, baina pasarte batzuk badituzu Hegats aldizkarian

"Gaur arratsaldean" bere ahotsez

Hernanin 1993an grabatu genion poema bat duzu Gaur arratsaldean. Andolin Eguzkitzaren poema askotan bezala, maitasuna eta heriotza dira gai nagusiak. Honelaxe amaitzen da: "Agur egitean / maitasunez eman diok musu, / heriotzeak / bakartadean harrapa hintzakeelako / beldurrez betea".