Jonas Poisson
Iñigo Aranbarriren lehen liburuko poemak irakurtzera gonbidatzen zaituztegu aste honetan: Jonas Poisson, 1986ko hasiera-hasieran Susak argitaratutako liburua. Pako Aristik idatzitako hitzaurrea ere bertan aurkituko duzu. XX. Mendeko Poesia Kaieren web orrian badira Aranbarriri buruzko xehetasun gehiago. Datorren astean: Lehen bilduma 82-84, Mikel Antzaren narrazio liburua.
Efemerideak
1914 irailak 18: Balendiñe Albizu jaio zen Zumaian, eta iaz, irailaren 20an hil zen. Elixabete Garmendiak honako artikulu hau egin zuen Literatur Emailuetarako.
1919 irailak 19: Bitoriano Iraola hil zen Donostian.
1932 irailak 20: Xalbador Garmendia jaio zen
1772 irailak 21: Patrizio Meagher hil zen Italian.
1777 irailak 21: Juan Mateo Zabala jaio zen Bilbon.
1842 irailak 21: Jean Baptiste Camousarry hil zen Ziburun. Euskal Testu Klasikoen Gordailuan, Baionako euskal museoan aurkitutako eskuizkribuko bertsoak irakurriko dituzu
1942 irailak 22: Rikardo Arregi jaio zen Andoainen.
1982 irailak 22: Jose Manuel Estonba hil zen Urkiolan. Oh! Euzkadin elkarrizketa argitaratu zuten 1983ko martxoan. Hil eta hurrengo urtean.
1986 irailak 22: Migel Olasagarre Damaso Intza hil zen Intzan.
1905 irailak 23: Felix Markiegi jaio zen Deban.
1971 irailak 23: Jose Artetxe hil zen Donostian.
Agenda
Sonia Gonzalezek "Ugerra eta kedarra" liburua aurkeztuko du irailaren 18an (osteguna) 12:00etan Bilbao La Viejako Pirata tabernan. Argitaldaria: Txalaparta.
Mikelazuloko kideek "Eskubiko pareta" ikuskizuna (dantza, musika eta poesia) egingo dute irailaren 19an (ostirala) 20:00etan Oiartzungo Haurtzaro ikastolaren egoitza nagusian.
Nahi izanez gero, orain arteko Literatur Emailuak irakurgai dituzu Susa literatura argitaletxeko webgunean.