Xosé Estévez

Mariñeiros de Malpica,

Arousa, Poboa,  Caión,

Noia, Cee e Corcubión

Negra escuma vos salpica

        INOIZ EZ  GEHIAGO

        ITXASO GARBIA BETIRAKO

Pescadores e peixeiras,

Mariscadores das rías,

¿Qué foron das ardentías,

das navallas nas areeiras?

        INOIZ EZ  GEHIAGO

        ITXASO GARBIA BETIRAKO

¿Ousarán xa as sardiñas,

as nécoras e as centolas

bailar no berce das olas

ou aniñar nas mariñas?

        INOIZ EZ  GEHIAGO

        ITXASO GARBIA BETIRAKO

Con calma ou con maruxía

¿Quén sairá nas gamelas,

coas nasas e coas patelas,

ferir  cas mans a auga fría?

        INOIZ EZ  GEHIAGO

        ITXASO GARBIA BETIRAKO

Percebeiros  de Muxía,

Corme, Fisterra  e Carnota

        ¿Só coliflor e compota

        na Boa Noite da invernía?

        INOIZ EZ  GEHIAGO

        ITXASO GARBIA BETIRAKO

Chapapote, coutelo mouro,

Morte e dor da nosa Terra,

Xusticia  reclama, ¡berra¡

polos eidos da pel de touro.

        INOIZ EZ GAHIAGO

        ITXASO GARBIA BETIRAKO

Clamor da nación de Breogán

Resón galeuscano na de Aitor,

Fraterno símbolo e peñor

Dun xebre e solidario afán.

        NUNCA MAIS "PRESTIXO"

        O MAR CEIBE DE LIXO

        INOIZ EZ  GEHIAGO

        ITXASO GARBIA BETIRAKO.

Oiartzun, 12-xaneiro-2003.