"Baietz astea gaizki bukatu" duela 25 urte
1977ko irailaren
4an Baietz
astea gaizki bukatu saila jarri zuen abian Zeruko
Argia aldizkariak Madrilen
pepinoak merke artikuluarekin. Bernardo Atxagak, Koldo Izagirrek,
Ramon Saizarbitoriak eta Ibon Sarasolak elkarrekin sinatutako hura
eskaintzen dizugu, faksimile eta guzti. Honelaxe zuen hasiera: "Hemen
azpian zinatzen dugunok, erabateko akordioaren ondoren, astero Zeruko
Argiako bazter honetan agertzea erabaki dugu, bakarka nahiz taldean.
Baina, nork hasiera eman lanari taldetasuna galdu gabe! Elkar lan
batekin aurkeztea pentsatu dugu". Astekariaren 750.
zenbakian, bestalde, Sacco eta Vanzetti-ri buruzko Joseba Sarrionandiaren
artikulu bat agertu zen. Aurrerantzean "Baietz astea gaizki bukatu"
saileko artikulu bana argitaratuko dugu astero.
Literatur Emailu honetarako
hitzaurrea idatzi du Zeruko Argiako kazetaria zen Elixabete
Garmendiak, kolaborazio haiek gogoratuz
Efemerideak
1887 irailak 7: Juan Bautista Bilbao "Batxi" jaio zen Arratzun. Hau mundu arranoa hau liburua osorik dago Interneten.
1926 irailak 7: Mari Jeanne Minaberri jaio zen Baigorrin.
Agenda
Jose Maria San Sebastianen "36ko gudan su-izkillatutako idazle gazteak" liburua aurkeztuko dute irailaren 5ean (osteguna) 12:00etan Donostiako Koldo Mitxelena Kulturunean, bertan izango dira: Jose M. San Sebastián (Latxaga), Amale Arzeluz, Martin Olazar, Paul Atutxa.
Harkaitz Canok "New York eta gure literatura" hitzaldi musikatua eskainiko du Larrabetzun irailaren 11n (asteazkena) 20:00etan Kukubiltxoren entsegu aretoan. Antolatzaileak: Bihotz Bakartien Kluba eta Arrekikili euskara elkartea.
Nahi izanez gero, orain arteko Literatur Emailuak irakurgai dituzu Susa literatura argitaletxeko webgunean.