Mikelazulo elkartearen Poesia Astea
Oreretako Mikelazulo elkarteak Poesia Astea antolatu du maiatzeko hirugarren asterako. Igor Estankonaren errezitala izango da maiatzaren 15ean (asteazkena) 20:00etan Oreretako Zumardian. Miren Agur Meabe maiatzaren 16an (osteguna) 20:00etan Mikelazulo Elkartean. Kirmen Uribe maiatzaren 17an (ostirala) 22:00etan Mikela Zubian. Eta "Gu-lau: poesia ikuskizuna" maiatzaren 18an (larunbata) 22:00etan Niessengo plazan. Bestalde, Mikelazulokoek hilero (azken ostegunean) emanaldi bereziak egingo dituzte poema idatzi berriekin. Herriko hainbat lekutan posta-kutxak paratu dituzte, nornahik bere lanak utz ditzan, errezitaldietan irakurriak izateko.
Efemerideak
1864-maiatzak 4: Txomin Agirre jaio zen Ondarroan.
1908-maiatzak 5: Juan Inazio Goikoetxea "Gaztelu" jaio zen Gaztelun. Oh! Euzkadi aldizkarikoek elkarrizketa egin zioten 1980ko azaroan.
1910-maiatzak 5: Pedro Mari Otaño hil zen Argentinan.
1915-maiatzak 5: Pierres Larzabal jaio zen Azkainen. Teatroa.com gunean bere 18 antzezlan irakur ditzakezu.
1854-maiatzak 7: Arturo Kanpion jaio zen Iruñean. Korrok aldizkariak Okendoren eriotza Kanpionen lana kaleratu zuen 5. zenbakian.
Agenda
Josu Landak Odolbildua nobela aurkeztuko du maiatzaren 2an (osteguna) 11:30etan Donostiako Udal Liburutegiko Sotoan. Aurkezlea: Xabier Olarra. Eta arratsaldeko 20:00etan Bilboko Likiniano Infogunean aurkeztuko du. Argitaratzailea: Susa.
Igela argitaletxeak bi nobela berri aurkeztuko ditu: "Hobe nuen etxean gelditu", Horace McCoy (F. Reyk itzulia) eta "Iruzurgilea", James M. Cain (Xabier Olarrak itzulia). Maitzaren 2an (osteguna) 12:00etan Donostiako Udal Liburutegiko Sotoan.
Kirmen Uribek Bitartean heldu eskutik errezitala egingo du Txantreako txosnetan maiatzaren 2an (osteguna) 22:30etan. Kitarra elektrikoa: Txomin Uribe (Piztiak). Zuzenean margolana: Josu Aranbarri. Maiatzaren 3an (ostirala) Ermuako Infreñu tabernan izango da 22:00etan..
Ander Iturriotzek "Mugaren ariketa" poema liburua aurkeztuko du maiatzaren 3an (ostirala) 11:00etan Donostiako Bilintx liburudendan. Juan Kruz Igerabide izango du aurkezle. Argitaratzailea: Elkar.
Jon Benitok Aingurak erreketan liburuan oinarritutako errezitala egingo du maiatzak 5ean (igandea) 18:00etan Altzako (Donostia) Txalaka elkartean, Ibon Egañak musikaz lagundurik.
Nahi izanez gero, orain arteko Literatur Emailuak irakurgai dituzu Susa literatura argitaletxeko webgunean.