Pobriaren suertia

 

Beste alibiyorik

pobriak ez daka

negarrez jaio eta

bizi arrastaka,

galtzarbian kolkuan

nun-nai arraskaka,

erropetan koipia,

zikiña ta kaka.

Jendiak ikustian

artutzen du lazka,

danak pasatzen zaizka

ondotik presaka;

nai baldin badu ibilli

kalian bueltaka,

ateratu orduko

etxetikan anka,

mutill txikiyak ditu

atzetik millaka,

azanariyo ero

patata tiraka;

zakurrak ere asten

zaiozka zaunkaka,

aberiak tiratzen

diyote pullanka;

danak, kristau ta abere,

guziyak txandaka

gizarajua dute

ibiltzen burlaka;

batek obe luke izan

pobre bañon kaka.

 

 

 


Bilintx-en bertso guztiak

 


www.susa-literatura.eus