Bertsolarien gudua
1 Peruk: Aizak, Txanton, Premiñi ik esan al diyok ez dikala irabazten bertsuetan iñork? Beraz ni kontu ortan ire mende niok? Nola itz egiten dekan ai, mutil, begirok! Nai dek jai lenenguan proga gaiten biyok?
2 Txantonek: Egiya dek Premiñi esan diyotala bertsuetan guziyak txautzen ditutala; eta esan badiyot Premiñi nik ala, oraindik niok itza mantentzen detala. Uste al dek esana damutu zaitala?
3 Peruk: Ez zaikala damutu niok jakiñian, jakiñ eta alare sinist eziñian, ez dala bertsolari iñor i añian; abillidade asko dakak mingañian; progatu nai induket gauza orren gañian. ................ 2
4 Txantonek: [.............................]
5 Peruk: Gauza orren gañian nai banak progatu, Txanton Aritzpe'kua, zer nai dek jokatu? Orra kontra nork egin aguro topatu. Nai dituk amar ardi demandan paratu, zeñek ederragoko [.............................]
6 Txantonek: Nere amar ardiyak orra, Peru, emen, esaminatu itzik mardul ote daguen, mardularen tartian argalik daguen; mira itzik banaka bat bestien urren, oiek ez ditek izan falta belarraren.
7 Peruk: Nere amar ardiyak ona emen, Anton, mira itzik banaka argalikan dagon; ez dituk iñoiz ere belar-faltan egon, ez diyotek tatxikan billatuko iñon, uste diat daudela iriak bezin on.
8 Txanton ikusitzen det onuntz datorrela, Matspe'ko Martin jauna jueztzat dubela; ederki etorriya izan deriyela, orrek juzgatuko du gauza dan bezela, ero mundu ontako iñork ez bestela.
9 Garai'ko Premiñ dator juez Perurentzat, gizon obiagorik ez dala deritzat; ondo portatu izan da orain arte beintzat, mundu guziyan dago prestu eta fintzat, orrek ez du juzgatzen gorriya urdintzat.
10 Garai'ko Premiñentzat ez da zer esanik, sekulan ez du egiñ biar eztan lanik; gizon fiñagoen bat mundu ontan danik izan liteke baño sinisten ez det nik, fiya liteke orrengan kezka gabetanik.
11 Martin Matspe'kuagan fiyatu zaitezte, gizon oberik iñon danik ez det uste; zeok zeon jueztzat jarri gaituzute, gugana konfiantza beraz badezute. [.............................]
12 Txanton, neri ardiyak ik irabazi? Ai! Koitadu triste orrek ez uke gutxi nai! Desiatzen dek baño ez aiz ordia gai, gizarajua orrek etsi ezakek, bai, alperrik egon gabe ardiya oben zai. |