1

Biyotzaren erditik

zeruzko dama bat

amoriyoz maite det

eziñ esan ainbat;

sufri-arazitzen dit

erotzeko din bat,

artara ekarriko nau

oraindikan anbat.

          2

Nere maitasun onek

falta du ordaña,

etzait ongi portatzen

aingeru liraña;

itxumen guztiyakin

maitatzen det baña...

berak ez nau ordia

nik merezi aña.

          3

Zoraturikan beti

aren billa nabill,

ura berriz nigandik

igesika dabill;

laister logratuko du

onla banarabill,

biyotzikan gabiak

penaz nai banau ill!

          4

Iñon ikusi gabe

sei aste luziak,

beti artaz pensatzen

negarrez pasiak;

begi biyak dakazkit

malkotan asiak,

ez du asko kupitzen

nere oñaziak.

          5

Aren krueltasuna

izanik ainbeste,

penaz betia nago,

miñez eta triste;

izar dizdizariya,

nitaz kupi zaite!

Zuregatik ilko naiz

ez banazu maite!

          6

Baldin gertatzen bada

orrelakoren bat,

zedorri're damubak

ilko zaitu anbat;

maita nazazu bara

nik zaitutan ainbat,

elizan egiteko

biyotz birekin bat!

[1862]