—1891 Iurreta—

Guduya euskeragatik

Izkinozua eta Zozua

              1

Putzu zuluan zebilelarik

Jostatzen izkinozua,

Azkar zitzaion sasitik jetxi

Bere albora zozua,

Ta ikusirik galdetu ziyon,

Zer zabiltz emen zorua?

Ez nuben uste zinanikan zu

Onen pisti inozua.

              2

Ni inozua izanagatik

Ez dizut zuri zorrikan,

Izkinozua naiz, ta ez daukat

Zozo txarren bildurrikan

Ez nazazula ni aserretu,

Zoazkit azkar ortikan,

Bestela zure buru txar orrek

Ez du izango otzikan.

              3

Zozua naiz, ta ez nau beinere

Izkinozuak izutu,

Ez eta ere berriketakin

Ikaratu ta kuskurtu,

Uste al dezu bildur gaitzetik

Naizela inoiz kutsutu?

Bada zozorik izkinozuak

Deusekin ez du mututu.

              4

Borrokaturik biyak ziraden

Putzu zulora erori,

Non itorikan bukatu zuten

Beren aserre txar ori.

Ispilu ona agertzen digu

Ipuitxo onek danori,

Jakin dezagun bear ez dala

Gerrarik jarri inori.