—1891 Iurreta—

Ekatzute sariya!

An.

          1

Ni naiz biursariya

Eta naiz abila,

Orrengatikan nator

Sariyaren bila,

Apustu egingo det

Soineko amila,

Neretzat dirala naiz

Kontra izan mila,

Ontzako urria ta

Gainera makila.

          2

Naiz bat izan kantari

Ona ta garbiya,

Naiz bestiak famatu

Euskaldun erriya,

Alperrik izango da

Aien lantegiya,

Nik irabaziko det

Emengo sariya,

Eta sartuko diyot

Danari ziriya.

          3

Onlako bertso gutxi

Dirade aditu,

Orrengatik nai ditut

Emen argiratu,

Jaunak ez baterere

Onekin arritu,

Nola eztan ain onik

Oraindik arkitu

Argatik txunditubak

Zerate gelditu.

          4

Ustez daukat makila

Orain aurrez aurre,

Zeini begira nagon,

Keinuka ta farrez,

Eltzetxo bat betia

Emandare urrez,

Ez nuke trukatuko

Sariyori errez,

Naiz sekulako egon

Lurpetuba zorrez.

          5

Pozik gastatuko det

Nere ontzakua,

Estutxe bat erosten

Gusto onekua,

Gero irukiko det

Txit kontuz jasua,

Zinta finez ederki

Eginda lazua,

Onratzeko oroitza

Eta makiltxua.

          6

Orra nik argiratu

Juzgatzaile jauna,

Sei bertso ontarako

Jarri ditudanak,

Bakar bat ezta txarrik,

Denak dira onak,

Eta ez saritzera

Zubek nere lanak...

Kolpez aberastuko

Altzerate danak.