1891 Iurreta
Asto alperra
An.
Asto koskor bat zuten
Baserri batian,
Ustez lagundutzeko
Zerbaitsu lanian,
Bainan ark izan arren
Lanerako grina,
Maiztxo izaten zuben
Nunbaiteko mina;
Baldin karga piska bat
Jartzen baziyoten,
Lurrera etzin eta
Ezin altxa zuten,
Beti aitzekiz jartzen
Zuben bere anka,
Erozer gauzarekin
Jarritzen zan aika,
Ala etxeko denak
Zeuden penatubak
Jakindu ziran arte
Aren pekatubak,
Sendakin batek zuben
Dana txit miratu,
Bainan gaitzik batere
Etziyon bilatu,
Orduan danak ziran
Golpatutzen asi,
Juan biar izan zuben
Andikan igasi.
Onek erakusten du,
Beti alper danak
Ekartzen ditubela
Onelako lanak;
Banan lanetik bizi
Diraden guziyak,
Beti irago dirala
Ondo ikusiyak.