1891 Iurreta
Aritz gureari
An.
1
Maitagarrizko arbol gurea
Arkitzen zera igarra,
Zure zain oiek aspaldi ontan
Daukate indar bearra,
Ustez betiko jarriya zinan
Ai, au pena ta negarra
Ikusirikan nola daukazun
Gaitza sartuba txit txarra.
2
Denbora joan da ondoren gora
Zure gatikan oroitzen,
Ez genduben guk gaitz egiterik
Inork munduban pentsatzen,
Bainan etsaiak zital izanik,
Ondamua nola zuten,
Guk uste gabe egun batian
Gaitz ori sartu zizuten.
3
Bai! Egun ura guretzat izan
Zan guztiz penagarriya,
Ordu ezkeroz euskal-erriyak
Dauka lutua jarriya,
Bainan oraindik ez degu etsi,
Oso zerala eroriya!
Jaungoikoari eskaturikan
Emango dezu orriya.
4
Zer egin dezu gisa orretan
Zu orrela arkitzeko,
Eta zinduzen orri ederrak
Lurpera-arazitzeko?
On besterikan ez dezu egin
Euskal semearentzako,
Egin oi zuten bezela aiek
Espaini danarentzako.
5
Guazen mutilak, euskaldun danak,
Etsaiak purrukatzera,
Eta betiko euskal-errira
Pake on bat ekartzera;
Inor atzian gelditu gabe
Guazen! biyotzez aurrera,
Jaunan laguntza izango degu
Zuzen ibiltzen bagera.