—1890 Maule—

Montebideoz

Bizente Etchegaray "Urruña"

                  1

Montebideoz egin zenean aiphua

Eskualdunei zitzain berotu burua,

Joateko fite herri dohatsu hartara,

Hemen ez zezaketen fortuna egitera.

                  2

Ez bada ez dutelakotz bere etxetan zer jan,

Zer edan, bai eta ere soinean zer eman:

Badute aski artho, badute ogia,

Bai-ta ere jakitzat urdaiki zathia.

                  3

Ez dakit zer daiteken behar gehiago,

Kantabre herrietan urus izateko:

Gure arbasoak lehen gehiago gabe,

Bizi izatu dire dohatsu halere.

                  4

Baina zoriz ethortzen ikhusi dituzte,

Montebide aldetik bata edo bertze,

Gapeluaren orde txapel finarekin,

Muntra gerriyan urre-gatheekin.

                  5

Bai, bai, eta badoha eskaldun gaztea,

Utzirik hain zoroki bere etxe maithea,

Hartan bizi izan zen urus orduraino,

Egin zukeien berdin aitzinat oraino.

                  6

Xortea etxatua da: behar da partitu,

Baitezpada hau baita nahi aberastu:

Handi ditu xedeak, esperantzak gizen,

Helas! hauk othe zaizko ongi itzuliren!

Gero ikusiko.