1886 Urnieta
Bizi bedi Jesus ta il pekatua
Juan Jose Alkain
1
Pertsona asko juaten da
Ameriketara,
Bisita bat eginaz
Bertatik bertara,
Aberastiagatik
Badakit zertara
Relijiorik ez dan
Paraje artara.
2
Juaten dira mutil da
Neskatxa gaztiak
Emen trataturikan
Beren ajustiak,
Batzuek gonbituan
Bildurrak bestiak,
Ur orrek beti ditu
Mudantza tristiak.
3
Urak pasatu eta
Gero legorrian
Ez dira ailegatzen
Postura ederrian.
Persegimentu asko
Begiyen aurrian
Zenbait gertatzen dira
Estadu txarrian.
4
Inozente daudenak
Juaten dira pozik,
Ez dagolako diruba
Juan da artu baizik.
Batzuek ez dirade
Aberasten kasik,
Aspalditxo juanak
Franko daude utsik.
5
Juan da pilatik artu
Balego diruba,
Askok egingo luke
Juateko moduba,
Nekatu biar gorputza
Gainera buruba,
Ala ere aberastia
Ez da seguruba.
6
Biziyuetan egin
Makina bat gastu,
Irabazi bai baina
Sobratzia aztu,
Danian lasai bota
Aitutzian estu,
Milaka dijuaz ta
Gutxi aberastu.
7
Asko izaten dira
Gastatzen trebiak
Irabazteko baino
Artako obiak,
Ondasuna balego
Badira jabiak,
Nun nai du lanik asko
Konduta gabiak.
8
An ere kondukta au
Gauza prezisua,
Argaitik ematen det
Nere abisua,
Ura da paraje bat
Txit peligrosua
Erruki det nik ara
Dijuan gaisua.
9
Emenguak badaude
Komerziantiak,
Gizon deliberatu
Oso prudentiak,
Ematen badiote
Ondo suertiak
Alako zenbait daude
An diruz betiak.
10
Tratatzia askori
Oi zaio gustatu,
Lendabizi diruba
Biar da prestatu,
Lenago irabaziyak
Aguro gastatu
An jende azkarra da
Ez asko jostatu.
11
An persona batzuek
Ondo dira bizi,
Familia ederrak,
Egin eta azi,
Edozein aldetara,
Diruba irabazi
Aiek fama txarrikan
Ez dute merezi.
12
Guziz peligrosua
Da ango bizitza,
Ez pensatu au dala
Gezurrezko itza.
Errespetua dago
Konserbatzen gaitza,
Enkargubak ematen
Apropos gabiltza.
13
Asko izaten dira
Juateko trebe
Egingo diralako
Interesen jabe.
Emen saia gintezke
Ara juan gabe
Bertan enpliatzia
Askoz degu obe.
14
Arako biajiak
Ez biziro poztu,
Pilo samarrak beintzat
Txit dabiltza estu.
Jaungoikorik danikan
Geienari aztu
Asko juaten dira ta
Gutxi aberastu.
15
Ura puntu txarra da
Persona askorentzat,
Nik gure probintziya
Naiago neretzat.
Onena eskojitu
Bakoitzak beretzat,
Au dago Amerika
Langilearentzat.
16
Pasajeruentzako
Amasei bertso berri,
Enkargurikan gabe
Ez ditugu jarri.
Batek diktatu eta
Bestiak ezarri,
Nola gustatzen diran
Jakingo da sarri.