—1885 Sara—

 

Alharguntsak haurra lokhartzen

 

Martin Oregiz, Oragarrekoa

 

Air: Neuvième récréation de piano, par M. Ad. Le Carpentier,
sauf la 2ème mesure musicale supprimée (dans le couple
t)

 

              Refrain:

Lo! lo! lo-tan!

Egizu lo nere besuetan!

Lo! lo! lorietan!

Amaren besoetan.

 

                1

Zertarako da zure zorthea,

Geroko diren denboretan?

Zeru-lurren gizon izaitea,

Aldare-aitzin ederretan?

 

                2

Zer izanen da hunen nahia,

Galai gazte atheratzean?

Mundurat othe duke lehia,

Andre maite baten hartzean?

 

                3

Erresumak ezartzen badio

Eskuetan bere ezpata,

Odola emanen othe dio?

Deus ederragorik ez baita!

 

                4

Legetiar izan nahi bada,

Makhur direnen xuxentzeko,

Eremanen dute behar-bada

Erregerekin mintzatzeko!

 

                5

Nekhezaletarik behar balitz

Aita onena zuen bezala,

Lur, abere, oihan, sorho hainitz

Badugu, denek har ditzala!

 

                6

Eta lur, oihan kanpo barneak,

Aski gobernatzen baditu;

Diru, bihi, andre, haur erneak,

Ohorezki izanen ditu!

 

                7

Aphez, gerlari, legetan handi,

Edo gizon nekhazalea,

Bethi Jainkotiar izan hadi,

Haur ene kontsolatzailea.

 

                8

Uzten haut orai aingeruekin!

Ohakotik, oi! ametsetan,

Ikhus'ak ama hirriz hirekin!

Ikhus'ak aita zeruetan!

 

                Refrain pour le dernier couplet.

Lo! lo! lotan!

Lo egin ohako goxo hortan!

Lo! lo! lorietan!

Ohako goxo hortan!

 

 

 

 


Anton Abbadiaren Koplarien Guduak

 


www.susa-literatura.eus