—1883 Markina—

Kantu berriak burdin-bidearen gainean, agorrilean, 1883an

Joanes Oxalde

                        1

Ohore merezi du Papin jakintsunak,

Orai dela bi mende zentzuz mintzo zenak,

Harrek baitzuen erran, ur bero lanoak

Higitzen zituela kargarik dorphenak.

                        2

Geroztik lothu ziren burdin-bideari,

Zoina ezin moldatuz hanitz baitzen ari,

Azkenekotz abilki baitzuten ezarri,

Atsegin egiten du munduan askori.

                        3

Urak duen indarra zoin den baliosa,

Munduko obretarik ageri da ontsa,

Burdin-bidetan juhan tu hanitz karrosa.

Heien arrabotsak du iduri orzantza.

                        4

Urrun entzun daitake harren irrintzina,

Hortaz abisatzen du aiduru dagona:

Hurbil dagonarentzat, zer oihu samina!

Xoratzen du burua minbera duena.

                        5

Denboraz aditu da erraiten jenderi:

Deus gisaz ez bainuke hortan sarthu nahi,

Noren ganik othe du indar handi hori?

Hortan ez da bertzerik baizik galtxagorri.

                        6

Ikhusirik on dela hortaz gozatzia,

Den lekhu guzietan da bai onetsia.

Piyayan direnentzat zer bozkalentzia!

Gasturik ere ez du oinezko erdia.

                        7

Laster ditu berriak urrun helarazten.

Saldu erosi gauzak merke eramaiten,

Egun Baionan dena bihar da Parisen,

Negozioa hola baitu emendatzen.

                        8

Burdin-bidea dute ordu onez egin.

Har dezagun hortakotz guziek atsegin:

Errextasun handia baiterauku egin,

Juan gitezen ospeka Lurderat pelegrin.

                        9

Benedikatua da hango ithurria,

Hartaz frangotan baita sendatzen eria,

Ararteko harturik Birjina Maria,

Jendendako hauxe da laguntza handia.

                        10

Bisitatuko dugu Lurdeko harpea:

Han agertu zelakotz Birjina maitea,

Guretako han dago graziaz bethea,

Zabaldu nahi dauku zeruko athea.