1882 Sara
Sokorriko mendiko birjinari
Beñat Dorbe
1
Sokorriko mendia deitzen den gainean,
Birjina dut ikusten argitzen denean,
Eta bihotza bozten hari behatzean,
Nere laguntza baita bakarra munduan.
Gure ama ona urrikal zaizkigu,
Zure laguntza behar guziek baitugu.
2
Nonbeitik ethortzean nola garen bozten,
Ama Sokorrikoa badugu ikusten,
Nahiz oraino urrundik den salu(ta)tzen,
Haren amodioa ez zaiku fal(ta)tzen.
3
Diogunean othoitz kartsuki egiten,
Gure othoitzak bethi dauzkigu entzuten,
Jainko zerukoari galdeak egiten,
Merezi baditugu dauzku ardiesten.
4
Urthe denboretan udan agortetan
Eri gaozenean tristerik ohean,
Othoitz egin Sokorrirat izatekotan,
Iduzki edo uri osasun gu baitan.
5
Zenbat xangrin pena munduan direnak
Geldiarazi ditu gure Ama onak,
Kontsolatzen badaki hari doazkonak,
Bethi eman dauzkigu galdatzen zaizkonak.
6
Tenpestaren erdian itxaso gainean,
Txalupa bat saltoka dabil lanjerrean,
Marinelek ez dute segurki orduan
Othoitz alferrik egin Sokorri gogoan.
7
Gu ere haurrak goaz batzuetan,
Bide ona utzirik lanjer handietan,
Zu arras ahantzirik mundua gogoan
Othoi, gida gaitzatzu, oh, ama orduan!
8
Zu baitan dugu bethi guk konfidentzia,
Ez garela izanen zutaz ahantzia,
Bide ona segituz eraman bizia,
Ardietsi gaitzazu zeruko gloria.
Halabiz.